攝影：渡邊 修，照片版權所有：金澤21世紀美術館
石川縣金澤市嘅金澤21世紀美術館係一間現代美術館。整體建築通透明亮， 空間感十足，仲有好多可以免費體驗嘅區域，係去金澤旅遊絕對唔可以錯過嘅景點之一。
石川縣金澤21世紀美術館簡介
攝影：渡邊 修，照片版權所有：金澤21世紀美術館
石川縣金澤市嘅金澤21世紀美術館於2004年開館，從建築設計到常規展覽嘅作品，都好有個性，充滿獨特魅力。另外，美術館仲會時不時舉辦各種現代藝術嘅特別展覽。美術館位於金澤市中心，好似公園一樣，任何人都可以進入參觀，係一個可以俾你做吓「偽文青」，輕鬆享受現代藝術嘅好地方！
去得金澤21世紀美術館就唔可以錯過嘅必睇之處
林德羅．厄利什（Leandro Erlich），《泳池》2004年，金澤21世紀美術館典藏
攝影：渡邊 修，照片版權所有：金澤21世紀美術館
派翠克．布朗克(Patrick Blanc) ，《綠之橋》 2004年， 金澤21世紀美術館典藏
攝影：渡邊 修，照片版權所有：金澤21世紀美術館
金澤21世紀美術館有好多常設展示嘅作品，有一部份仲免費開放參觀。常設展品中，最出名嘅莫過於阿根廷當代藝術家ーLeandro Erlich（林德羅·厄利什）所創作嘅《泳池》。呢件作品從上面望落去，啲人就好似喺一個好深嘅泳池內，但其實只係喺最上面嘅透明玻璃內，注入咗約10厘米高嘅水量，就令上方嘅人睇落有種好似平時注滿水嘅泳池咁嘅錯覺。隔著一層玻璃，下面係一個水藍色嘅空間。泳池上方為免費觀賞區，但要入泳池底部就需要額外購票。
石川縣「金澤21世紀美術館」參觀資訊
攝影：渡邊 修，照片版權所有：金澤21世紀美術館
金澤21世紀美術館內有好多設施，除咗空間寬敞嘅展區，仲有餐廳、美術館商店、藝術圖書館等等。
交流區的參觀資訊
交流區免費參觀。開館時間為09:00至22:00（各設施嘅開放時間略有不同）。休館日為日本新年假期。
展覧區的參觀資訊
進入展覽區參觀展覽，就需要另外購買門票。票價依展覽而異。開館時間為10:00至18:00（星期五、六開放至20:00）。休館日為逢星期一（如遇日本公眾假期則星期二休館）、及日本新年假期。
館内注意事項
館內禁止飲食（包含糖、香口膠)。館內僅限有標示可以攝影嘅地方先可以影相及錄影。全館內禁止使用閃光燈、三腳架、單腳架、自拍棍或遙控航拍機。要進入展區，隨身行李嘅尺寸不得超過B4大小，亦唔可以帶長柄雨傘入內。
去金澤21世紀美術館嘅交通方法
攝影：Atsushi NAKAMICHI / NACÁSA & PARTNERS，照片版權所有：金澤21世紀美術館
從東京都內出發嘅話，可以先喺東京站乘搭新幹線去金澤站。喺JR金澤巴士轉車站兼六園口（東口）嘅3號及6號乘車處乘搭巴士（車程約10分鐘），於廣坂・21世紀美術館站落車即達。
景點資訊
- 名稱：金澤21世紀美術館
- 地址：石川縣金澤市廣坂1丁目2番1號
- 交通方式：JR金澤巴士轉運站兼六園口（東口）3號及6號乘車處搭乘巴士，車程約10分鐘，於廣坂・21世紀美術館站落車即達。
- Wi-Fi支援：有
- 語言對應：英文
- 購票方式：現場售票處、便利商店
- 可使用信用卡：VISA, MasterCard, JCB
Comments