長崎嘅眼鏡橋係日本最古老嘅拱形石橋。橋身倒影到河面，成個景象恰似一副眼鏡，故而得名。眼鏡橋同東京都嘅日本橋、山口縣嘅錦帶橋並稱為日本三大名橋，同時亦係皇居二重橋嘅建造範本。
受到當地人愛戴之「長崎眼鏡橋」嘅魅力介紹
眼鏡橋嘅由來
眼鏡橋源自中國興福寺嘅第二代住持「默子如定」喺1634年號召之下興建完成嘅。默子如定見到中島川上嘅橋樑，因洪水氾濫而頻頻被沖毀，所以決定從中國請來工匠修建呢座堅固嘅石橋。除此之外，默子如定仲興建咗興福寺嘅大雄寶殿。之後，大雄寶殿雖經歷過颱風、火災等災害曾經被毀，但係都順利重建返。現時睇到嘅寶殿，係1883年重建完成嘅。
長崎眼鏡橋：尋找浪漫愛心石
喺1982年嘅長崎大水災中，眼鏡橋有部分被沖毀。中島川堤防重建嘅過程中，喺堤防石牆上藏咗幾個心形石頭。有好多情侶相信，如果能夠搵到心形石就能帶來幸福，所以喺現場總會見到好多搵緊，或者觸摸心形石並影相留念嘅戀人們。
長崎眼鏡橋係個影相打卡聖地！
擁有美麗拱型嘅眼鏡橋，係一個好受歡迎嘅影相打卡位。如果想影出完美嘅眼鏡形狀，建議從魚市橋上影過去，呢個角度影出嚟係最好㗎！如果當日無刮大風，河面好似鏡一樣咁平靜就最「perfect池」（完美）喇！如果想喺張相留低自己美麗嘅倩影，建議可以走落石階，從靠近河面嘅地方，或者以傾斜嘅角度嚟影呀。眼鏡橋喺唔同季節，或者從不同角度、位置影過去，都有唔同嘅魅力，等緊你去發掘吖！
眼鏡橋附近舉行嘅祭典活動：長崎燈籠節
喺眼鏡橋周邊，每年冬天都會舉辦「長崎燈籠節」。燈籠節係發源於長崎新地中華街嘅春節慶祝活動，規模逐漸擴大，現時已經演變為充滿長崎特色嘅「冬季風物詩（季節嘅代表性活動）」啦！祭典期間，街道上會懸掛大約15,000個色彩繽紛嘅燈籠及各種裝飾品。眼鏡橋搖身一變成夢幻嘅世界！如果喺冬期間去長崎，就一定唔可以錯過呢個難得嘅活動啦。
去長崎眼鏡橋嘅交通方法
從長崎機場搭利木津巴士 長崎機場線，約40分鐘後喺中央橋巴士站落車，步行8分鐘就到達眼鏡橋。或者，從長崎站乘搭路面電車，車程約4分鐘，於眼鏡橋站落車步行約3分鐘。
景點資訊
- 名稱：眼鏡橋
- 地址：長崎縣長崎市魚之町、榮町及諏訪町、古川町之間
- Wi-Fi支援：有
- 交通方式：
- 長崎機場→[利木津巴士 長崎機場線利]40分鐘→中央橋巴士站⋯步行約8分鐘
- JR長崎站→[路面電車 （往營茶屋方向）]4分鐘→眼鏡橋電車站⋯步行約3分鐘
Comments