長崎其中一個最大嘅祭典盛事就係長崎宮日節（Kunchi，亦名長崎九日節），擁有約380年嘅歷史，係秋季時喺諏訪神社嘅例行大祭。「Kunchi（くんち）」究竟係咩意思？其實就係九州北部地區嘅方言，意思係秋祭咁解，當中會有中國傳入日本嘅舞龍（龍踊）、豪華絢麗嘅花車（山車）等等演出。
一齊嚟睇吓咩係長崎宮日節（Kunchi）吖～
長崎諏訪神社內一直承傳至今嘅秋季大慶典喺每年10月7至9日舉行。慶典活動喺江戶時代開始，據說源於寬永11年（1634年），2名信女表演歌謠｢小舞｣獻給神明，因而發展成長崎宮日節（Kunchi）。由於當時長崎作為荷蘭、中國等海外貿易嘅關口，奉納舞蹈中亦加入咗以外國船隻為本嘅花車（山車），由中國大陸傳入日本嘅舞龍（龍踊）等外國元素。而奉納舞蹈更被日本列為國家指定重要無形民俗文化財產，相當有文化價值。
長崎宮日節（Kunchi）嘅特色
祭典嘅最大特色當然就係剛剛提及過嘅奉納舞蹈啦。七福神乘著嘅「寶船」、荷蘭風格嘅帆船「南蠻船」等式樣嘅山車相繼登場。當喺轉角要將山車轉彎時嘅姿態更係精髓所在。加上由山車頭到尾，多名演出者嘅手舞動而成嘅「舞龍」，簡直就好似龍踲姿態一樣！
奉納舞蹈係由名為「踊町」（町相當於鎮）嘅隊員每年輪流展示舞蹈。由各町輪流負責，每組每7年承辦一次。
觀賞長崎宮日節（Kunchi）嘅方法
想觀賞長崎盛大慶典，可以揀喺名為「本場所」嘅正式會場付費欣賞或者揀唔使錢喺街上自由睇表演。正式會場嘅「本場所」即係諏訪神社、供奉三大神明嘅「旅所」（大波止電車站步行約3分鐘）、八坂神社、中央公園Kunchi停車場四個地方，都必須事先預約及付費。但係祭典期間，各商家、民家都會以舞蹈祈福，日文稱為「庭先周り」。而呢個景況喺街上就可以睇到！呢段時間去長崎旅行，真係千祈唔好錯過啦！
景點資訊
- 名稱：長崎宮日節（Kunchi）／長崎九日節
- 地址：諏訪神社、八坂神社、中央公園Kunchi停車場等主要場地
- 交通：JR長崎站乘搭往「螢茶屋」方向嘅路面電車で約6分鐘，諏訪神社站落車，徒歩約5分鐘
- 舉辦期間：每年10月7日至9日
- 費用：收費區域為3500
- 時間：07:00～黃昏時分
- 休息日：全年無休
Comments