位於奈良市西郊嘅「平城宮跡」，東至西寬約1.3公里、南至北長約1公里，被列入世界遺產「古都奈良嘅文化財」之一，係了解奈良時代歷史嘅重要景點。喺廣大嘅平城宮跡歷史公園內，草地平原佔咗大部份面積。主要參觀景點為正面主要入口嘅「朱雀門廣場」、平城宮最具代表性嘅宮殿「第一次大極殿」等修復後嘅遺跡，仲有遺構展示館等等設施。
平城宮跡嘅基本介紹
喺和銅3年（西元710年），從飛鳥時代沿用藤原京作為都城被遷至平城京，直至後來再移都到長岡京。以平城京作為都城長達約70年，係作為日本政治、經濟與文化嘅中心而發展起來，就好似「日本的首都」咁。平城京內，有類似現時嘅國會議事堂、皇居等建築物，作為特別史跡而被保存下來。目前已修復完成嘅有第一次大極殿及朱雀門，其他遺跡嘅復原工作亦持續進行中。平城宮跡內，仲有展示出土文物同資料嘅「平城宮跡展示館（平城宮いざない館）」，設有餐廳、咖啡店嘅「天平Umashi館（天平うまし館）」，仲有賣奈良縣各種商品手信嘅「天平Mitsuki館（天平みつき館）」添。
平城宮跡嘅必遊重點
朱雀門廣場嘅「朱雀門」
第一個必去睇嘅重點就係朱雀門廣場嘅朱雀門！位於平城宮跡嘅正門入口位置，朱雀門寬25米、高22米，採用傳統嘅「入母屋二重造」屋頂建築形式，於平成10年（1998年）修復完成。朱雀門曾經係用嚟迎接或恭送外國使節嘅地方，節慶時都會舉辦祭典儀式，天皇亦曾經喺新年時去過朱雀門慶祝㗎。門嘅左右兩側分別有高達6米嘅城牆，以前曾經有衛兵常駐於此。朱雀門廣場有一艘全長30米嘅鮮豔遣唐使船（乘載使節嘅船），可以登船參觀，亦有解說歷史嘅資料；仲有平城宮跡展示館（平城宮いざない館）展示出土文物及相關資料，亦可以透過影像及模型介紹，了解平城宮當時嘅百姓生活。
景點資訊
- 名稱：朱雀門
- 開放時間：09:00～16:30（最後入館時間為16:00）
- 休息日：逢星期一（如遇日本公眾假期則延至隔日休息）及每年12月29日至1月3日
- 入場費：免費
景點資訊
- 名稱：平城宮跡展示館（平城宮いざない館）
- 開放時間：10:00〜18:00（入場至17:30為止）、夏季（6月至9月）10:00〜18:30（入場至18:00為止）
- 休息日：2月、4月、7月、11月嘅第2個星期一（如遇日本公眾假期則延至隔日休息）及日本新年假期
- 入場費：免費。其他區域則依各施設而定。
第一次大極殿院
第二個必睇重點係第一次大極殿院，係當時天皇即位、接見外國使節等情況下，舉行各種重要儀式嘅地方。於平成22年（2010年）修復完成。裡面都復原並展示咗從前天皇坐嘅「高御座」。將來都計劃陸續復原並開放環繞大極殿院周圍嘅「築地迴廊」同「南門」等遺跡。
景點資訊
- 名稱：第一次大極殿
- 開放時間：09:00～16:30（入館至16:00為止）
- 休息日：星期一（如遇日本公眾假期則延至隔日休息）及每年12月29日至1月3日
- 入場費：免費
去平城宮跡嘅交通方式
從近鐵奈良站或JR奈良站西口乘搭「往學園前站方向」嘅巴士，於「朱雀門廣場前站（朱雀門ひろば前）」落車就到。或者，從近鐵奈良站乘搭Gurutto巴士（ぐるっと巴士）去都得，車費為100円；星期六、日及日本公眾假期每15分鐘一班；平日每30分鐘一班。或者從近鐵大和西大寺站南口落車，行20分鐘到玉手門。
景點資訊
- 名稱：平城宮跡
- 地址：奈良縣奈良市佐紀町
- 交通方式：於巴士站朱雀門廣場前站落車
- Wi-Fi支援：平城宮跡資料館、平城宮跡歷史公園朱雀門廣場有免費Wi-Fi
- 對應語言：官網有繁體中文、簡體中文、英文、韓文。平城宮跡展示館 （平城宮いざない館)內提供嘅「平城宮跡歷史公園導覽地圖」、「平城宮跡展示館簡介」有多種版本嘅語言 (繁體中文、簡體中文、英文、韓文)。
- 入場費：免費
- 開放時間、休息日：依各設施而異，請參照上述資訊
Comments