一篇睇哂九州長崎島原有咩玩！

島原由雲仙岳火山爆發而生成，係一個大自然環境豐富優美嘅地區。而且曾經作為島原城嘅城下町而蓬勃發展起來，充滿與歷史相關嘅觀光景點。

島原嘅簡單介紹

島原位於長崎縣東南部嘅島原半島上，係由雲仙岳火山運動而形成嘅地區。幾百年前曾因為一次火山爆發而造成無數傷亡，但因火山噴發令地殼移動、加上因火山嘅地質，而造就各種豐富嘅自然環境、溫泉地質、同農產業。另外，島原亦從17世紀起作為島原城嘅城下町而發展起來。

島原喺17世紀時曾經係人民起義「島原之亂」發生嘅地方，起源於當時居住當地嘅基督教徒，因對農民徵收過重貢品稅收及鎮壓基督教等不公政策，而喺原城呢個地方發動被稱為日本最大規模嘅起義。同島原之亂有關嘅原城跡等古跡現時開放作為觀光景點，遊客都可以到當地直接了解有關事件。

島原係富有日本城下町歷史氣息嘅觀光景點，仲有火山形成嘅自然景觀可以欣賞得到。以下介紹一下去島原旅遊嘅觀光重點啦。

城下町嘅島原有好多如島原城、「武家屋敷（武士嘅宅邸）」等傳統建築式樣，可以重現當時面貌嘅歷史建築物。其中以原島城最能象徵原島嘅地標景點。天守閣以五層白壁牆身為特徵，散發莊嚴肅穆之美。島原城嘅內部有歷史相關嘅資料、頭盔、盔甲等展示，喺5樓嘅景觀台可以欣賞島原街景、宏偉嘅雲仙岳等絕景。

整個島原半島都被稱為「島原半島世界GEO PARK」，被列作以活火山為主題嘅地質公園。GEO PARK擁有喺科學、文化上珍貴地質遺產嘅自然公園。

可以從島原欣賞由火山生成嘅自然景觀，同學習得到火山嘅歷史。喺雲仙岳災害記念館可以透過睇重現雲仙岳火山爆發時壯觀景象嘅影片，仲有以當時受災地方面貌而製成嘅立體模型，去了解得到當時嘅狀況。

喺島原，因雲仙岳火山爆發及地殼異動而湧出溫泉水，令呢度有好多可以使用嘅溫泉設施。首先作為溫泉地，島原溫泉係好出名㗎！而先島原外港碼頭面前嘅拱廊商店街「一番街」中Gamadasu停車場內有免費足浴設施，好輕易就搵到地方浸到溫泉啦。

其實喺島原有湧泉嘅地點有成60個，當中被稱為「錦鯉游泳之街（鯉の泳ぐまち）」係由湧出嘅流水、流通市中心新町一帶嘅水道。去得島原就唔可以錯過去欣賞，有好多錦鯉喺清澈流水中游來游去、多姿多采嘅夢幻景觀啦。

既然去到島原，當然唔只島原地區好玩，順便去遊埋雲仙地區同小濱地區都唔錯呀！雲仙地區以溫泉鄉、博物館、美術館、池塘景觀等聚集旅遊觀光景點。而小濱地區更有號稱「日本第一長」足浴嘅「Hot Foot 105（ほっとふっと105）」等溫泉地，仲有神社、池園等觀光景點。

島原有多種由古代流傳落嚟嘅特產，例如有使用湧泉泉水製作嘅甜品「寒晒湯圓」同手延素麵等當地食物。想食到呢啲島原特產，可以喺島原鐵道嘅島原站周邊地區，或者沿岸餐廳食得到。

島原嘅酒店基本上都以島原鐵道嘅島原車站為中心，或者南部海岸沿岸嘅島原溫泉地區聚集溫泉旅館。住宿嘅類型有酒店、旅館、Guesthouse、民宿不同種類都有。價錢大約係10,000以下，以實惠為主嘅住宿比較多。

去島原玩，首先喺長崎機場搭1時間50分鐘島鐵巴士，去到島原鐵道島原站附近嘅巴士總站落車，再喺呢個主要車站搭巴士或者電車都可以去到市內各大觀光景點。