奧多摩係東京都內知名嘅戶外活動景點，無論係登山健行、輕艇激流、划艇、露營、釣魚等都相當適合，而且從東京都心出發可以即日來回，交通夠晒方便。夏天即將來臨，所以我哋今日就要為您推薦呢個東京後花園，您都快啲嚟一趟不一樣嘅輕旅行啦！
※預約行程時千祈唔好忘記複製優惠碼「funkayak2019」喎~另外！FUN! JAPAN仲會加碼送大禮，記得要睇到文章最後呀！※
白丸湖划獨木舟 享受溪谷秘境靜謐美感
白丸湖由白丸水壩攔截形成。有別於一般嘅水庫湖，呢度嘅水質相當清澈，您可以經常見到魚類等多種生物。今次，FUN! JAPAN嘅小編們就參加咗Voyagin嘅半日獨木舟(Kayak)課程。呢個體驗分成早、午2種，小編們揀選嘅係早上行程。事不宜遲，一齊嚟睇睇小編們嘅獨木舟(Kayak)初體驗啦！
小班制教學照顧所有學員 初學者最佳選擇
FUN! JAPAN團隊今次參加嘅體驗行程人數最多為6人，不過是日嘅學生就只有小編2隻。小編們同今次嘅教練Akira先生喺白丸站見面之後就被帶到更衣室換上適合划艇嘅服飾，再著上救生衣、套上防水裙，驟眼睇上去都算幾有氣勢嘅，殊不知2位小編原來一個唔識游水，然後另一個仲怕水怕到要死！
正式下水前，教練會喺陸地上先講解注意事項，手機、相機貴重物品等都唔可以帶；怕曬嘅話可以考慮帶上外套。但想要影相嘅話可以點做呢？呢個時候就要交畀專業人士負責—教練會幫你影到夠！之後，教練就會開始詳細解說船槳握法同划法，指導您划向邊個方向先叫正確。喺熟習槳嘅用法之後，下一步就係要教您點樣坐上獨木舟，最重要嘅一點，係坐喺獨木舟時記住要抬頭挺胸、坐直坐正！最後，就係事先打預防針、萬一如果翻艇時應該要點做。聽到呢到，怕水嘅小編已經聽到臉都青埋喇…
湖面清澈可見底 美景當前令人嘆為觀止
喺水面上船時教練會從旁協助，等大家都坐上獨木舟後，教練亦會坐上另一艘獨木舟跟喺大家後面，一邊睇著大家嘅狀況一邊指示大家往前划。不過小編們啱啱開始划出去時，就只會一直轉圈圈、無法順利前進。慢慢習慣之後，怕水小編就邊尖叫邊往前划，而唔識游水嘅小編反而如魚得水地一直往前衝。教練話，只要重心維持好，基本上翻艇機率就好低。教練又會一直同你講唔好望船頭，而係多望四周風景有幾咁靚。小編抬頭一望，發現原來清澈一片綠嘅湖面、綠意盎然嘅森林就喺正我身邊，中間划到攰時仲可以隨時停落嚟休息。小編伸手摸一下湖水，發現原來超冰涼！難得划艇體驗加上蔚藍天空，成幅景象就似係一幅風景畫。如果天氣更加炎熱時嚟玩，相信冰涼溪水一定會更加舒服！
慢慢熟習之後，我哋越划越順手、越划越遠，抬頭欣賞風景嘅時間亦越來越多。途中仲停喺湖中同教練聊天，教練同我哋分享佢曾經試過連續划足11個鐘划到羽田機場…小編當時心諗，划完第二日應該會手都斷囉…
體驗咗大概1個鐘後返到岸邊時，教練就會協助參加者上岸。換好衫後，今日嘅體驗就結束喇！今次嘅教練Akira先生日文、英文都相當流利，因此呢趟旅程除咗能夠體驗獨木舟樂趣之外，亦可以順便磨練自己嘅語言能力！小編大力推薦早上體驗，因為遊客唔多、十足十包場一樣！溫馨提示，仲要記得要帶套T恤、短褲、拖鞋同遮太陽物品，以全身輕鬆裝束參加呀！您都快啲嚟奧多摩划獨木舟，一齊喺水面上悠哉漫遊啦！
活用奧多摩當地食材 美食令人驚艷嘅「Earth+Garden」
被森林包圍嘅花園餐廳「Earth+Garden」正正就座落於白丸湖隔離，地理位置絕佳，並且分成室內座位區同室外陽台座位區。小編相當推薦喺體驗獨木舟前後順道嚟到品嚐奧多摩美食。
店家招牌菜為熱賣超過3萬份嘅「森林幸福漢堡排」以及號稱「世界第一肉丸」嘅兩大菜式莫屬。肉丸外酥內軟，搭配wasabi同秘製醬汁，口感絕佳令人驚艷；另外「森林幸福漢堡排」最特別就係選用全黑豬肉製成，一切開就流出肉汁，唔需要沾醬就已經相當好食！牛排配上奧多摩wasabi，美味指數爆燈呀！
下次東京旅行有機會嘅話，FUN! JAPAN真心推薦您空出一日時間嚟到奧多摩體驗半日獨木舟、欣賞綠意盎然群山以及清澈溪流再品嚐當地美食，實行嚟享受一趟另類東京近郊秘訪之旅。
好消息！好消息！Voyagin提供FUN! JAPAN讀者超優惠折扣。而家即刻透過下面網頁立即預約，並喺付款頁面輸入優惠代碼「funkayak2019」，就可以用半價優惠體驗半日獨木舟之旅喇！名額僅限10名，先搶先贏！動作要快！
※優惠代碼若到達使用上限，價格將會恢復成原價※
FUN! JAPAN加碼送大禮
現時只要預約上述Voyagin「獨木舟課程」並收到Voyagin預約成功通知嘅前5位讀者，FUN! JAPAN將會加碼贈送800yen知名cafe電子禮券。禮券適用於食物（300日圓）與飲品（500日圓）；而後5名讀者則係贈送500yen知名cafe飲品電子禮券。電子禮券僅限日本國內使用。
預約成功後，請點擊以下網頁填寫相關資訊並上傳預約畫面以供確認。
需填寫以下資料：
- 姓名
- E-mail（寄送電子禮券之用）
- 預約編號
- 體驗日期
- 預約成功之截圖（參考下列範本）
更多有關Voyagin提供的體驗：
Comments