PLARAIL鐵道王國喺日本家傳戶曉，佢地將實際行駛嘅鐵路製作成玩具，非常暢銷受歡迎。佢地嘅製品完美咁重現出車廂嘅設計、顏色等，無論大人定小朋都鍾意。而PLARAIL鐵道王國發售嘅商品入面，除左玩具火車列車之外，其實仲有好多唔同嘅相關商品。滿足唔同種類嘅鐵道飯，可以化身站長，又或者欣賞信號，相品款式眾多，令人可以盡情投入鐵道世界入面。
70種原音重現！完美複製嘅十字路口，同真嘅一樣！
「同TOMICA一齊玩！電車嚟啦！噹噹響嘅十字路口套裝」
呢套十字路口組合有聲架！搭載左車站廣播同埋電車行駛嘅聲音。除此之外，仲有360度全方位嘅最新火車馬路交差口警示燈，仲有操作柄，可以控制電車嘅停車同開車。當電車通過路口時，欄杆會放落嚟，而按左制之後，欄杆就會升起，咁就可以啟動原本停左喺等待電車經過嘅TOMICA，設計好精巧細緻。另外，搭載嘅電車聲音超過70種，有新幹線、通勤電車、特急、仲有3種SL列車嘅聲音可以選擇。例如，新幹線除左發車嘅警笛音之外，仲會播放廣播「下一班新幹線往東京方向。(發車鈴聲)…新幹線即將發車，請注意車門即將關閉。」完全係原音重現。其他通勤列車、特急、SL列車都有唔同嘅原音重現。無論係「踏切鐵」定「音鐵」都可以滿足到。
商品資訊
- 配合動作發出聲響
- 廠商希望零售價 6,980日円（未包稅）
化身做站長，管理控制車站運作！
「今日我係站長！卡嚓！車站路軌套裝」
想唔想做一日站長呢？呢款車站路軌套裝，可以俾你體驗做一日站長，掌控大型車站嘅運作。最值得關注嘅係車站月台，可以有三架列車停放。一號月台電車埋站時，會自動開啟月台門，發車時就會自動關閉。另一個重點就喺搭載40種聲響。用兩個操控柄加上4個按鈕，就可以操作。除左由電車開車、過站不停嘅聲音外，仲有車內廣播、車站廣播同埋開門閂門聲等等，聽到咁多唔同嘅聲音，就好似真係置身係車站入面咁。另外經過閘口時，都會有拍卡嘅啫啫聲。
商品資訊
- 配合動作發出聲響。
- 附人偶（模型）1個
- 廠商希望零售價7,580円（未包稅）
變身車輛維修基地！
「變身基地！！黃博士超BIG套裝」
呢個係檢測新幹線行駛區間嘅線路彎曲同埋架線狀況、仲Check埋信號電流狀況嘅新幹線醫生黃博士 Doctor Yellow 大型版。黃博士嘅先頭車同車身打開之後，可以變身成為車輛維修基地。列車上仲附設了機械手臂，可以模擬清洗列車等工作，就連駕駛艙都可以開到。小編都係睇呢個模型先知原來Doctor Yellow係咁樣「診症」。
商品資訊
- 附路軌
- 附人型公仔（模型）1個
- 廠商希望零售價 7,980円（未包稅）
- 版權：已獲JR東日本商品化許可
喜愛的列車一字排開！
「整齊劃一！列車基地路軌套裝」
呢套路軌組合裝，可以安排列車喺基地做排排泊好，整齊統一。基地嘅列車停放路軌，一次過可似泊四架列車。
商品資訊
- 附路軌
- 廠商希望零售價 3,200日圓（未包稅）
立體設置軌道好好玩！
「列車爬上爬下！斜坡軌道組」
此款路軌組合嘅特色係列車要過彎轉一圈爬上坡，仲有筆直嘅長斜長坡。
除了斜坡以外，仲有山洞同鐵橋，簡簡單單就可以享受列車各種嘅
行駛路線。
商品資訊
- 附路軌
- 附情境模型
- 廠商希望零售價 3,200円（未包稅）
※資料參考自2019年4月的資料
※商品可能完售
※購買可去下列PLARAIL鐵道王國專門店或者各大百貨公司
分店資訊
PLARAIL SHOP東京店
- 地址：〒100-0005 東京都千代田區丸之内1-9-1 東京站一番街 東京動漫人物街
- 營業時間：10:00～20:30／全年無休
PLARAIL SHOP 東京晴空塔®東京晴空街道 (TOKYO Solamachi）店
地址：〒131-0045 東京都墨田區押上1丁目1番2號 東京晴空塔®東京晴空街道3樓
- 營業時間：10:00～21:00／不定休
PLARAIL SHOP 東京晴空塔®東京晴空街道 (TOKYO Solamachi）店
- 地址：地址：〒530-8202 大阪市北區梅田3-1-1 大丸梅田店13樓
- 營業時間：10:00～20:00／1月1日休
Comments