日本全國各地有大大細細唔同嘅遊樂場，由適合小朋友玩嘅遊樂設施，到俾大人刺激嘅驚嚇恐怖鬼屋都有。今次想帶大家去「長島溫泉樂園」，介紹呢度嘅特別機動遊戲。呢個「長島溫泉樂園」雖然喺有嘅遠嘅三重縣，但佢喺全國都好出名，因為佢係擁有日本最多過山車數目嘅遊樂場！想瘋狂尖叫嘅人嚟呢度就肯定滿足到大家。，嚟呢度包你可以叫破喉嚨、叫到聲沙力竭。今次就為大家介紹一部4D四次元嘅過山車。
顛覆常識 日本首座4D自轉過山車「ARASHI 嵐 (暴風雨)」
2017年登場嘅四次元過山車「ARASHI 嵐 (暴風雨)」。望落去同一般嘅過山車一樣，都係沿著路軌行，然後向前向後，上上下下，左轉右轉咁。但最唔同嘅地方係，佢嘅「第四方向」，就係個座位會自轉。令到你坐喺位都完全無辦法預測到過山車嘅方向，亦都唔知幾時會急速轉彎或者落下，鍾意挑戰過山車嘅人肯定要一試，感受下「公轉、自轉」，體驗下無重狀態。真係同個過山車名一樣，除左見到嵐會尖叫外，仲會好似打風咁翻到頭髮同內臟都亂左咁滯。
超乎想像嘅刺激體驗 驚嚇度爆燈
同埋呢架過山車係垂吊式，即係掛左喺上面，腳底下乜都無，雙腳完全懸空，非常有飄浮感。搭嘅時候乘客係唔會睇到過山車嘅路軌，只會感受到自由無規則嘅激刺。過山車最高時速約65ｋｍ/h，乘坐時間大概1分鐘，簡直有飛喺天到嘅感覺。小編好難用言語去形容呢部過山車，真係前所未有，要大家試過先會明。想要瘋狂尖叫嘅你就絕不能錯過啦！
景點資訊
- 景點名稱：長島溫泉樂園
- 地址：三重縣桑名市長島町浦安333
- 營業時間：平日9：30～17：00 ／六、日、假日9：30～18 ：00（依時期不同）
- 門票：成人1,600円、小學生1,000円、2歲以上的兒童500円（搭乘遊樂設施額外購入套票或搭乘券）
- 交通方式：在名古屋站附近的名鐵巴士總站搭乘高速巴士至「長島溫泉」站下車，車程約50分鐘 / 從JR近鐵線「桑名站」搭乘巴士至「長島溫泉」站下車，車程約20分鐘
- 官方網站：http://www.nagashima-onsen.co.jp/index.html/
Comments