「痛車」就係指喺車身塗上動漫、遊戲角色等彩繪或者貼上動漫貼紙等嘅造型車款。FUN! JAPAN小編今次嚟到集合全日本痛車嘅「2019台場痛車天國」，為大家報導一下現場盛況！
今次嚟介紹用小編關注嘅人氣角色「初音未來」做設計嘅痛車(絕對無公器私用)。大家一齊嚟睇下面介紹嘅翡翠色痛車吧！
大家識VOCALOID虛擬歌手「初音未來」嗎？
初音未來係喺2007年誕生。佢係VOCALOID的虛擬歌手。只要用軟件VOCALOID輸入歌曲施律，初音就會完整咁唱返出嚟。Vocal+Android就叫VOCALOID。
初音嘅特徵就係翡翠綠色嘅長孖辮。翡翠綠係佢嘅代表色，所以好多車身都用左呢隻色做設計。
初音未來痛車大集合！
車頂上擺滿左初音嘅公仔，車入面都係裝滿左初音。係咪好感受車主對初音嘅愛呢？
就連車軚框、車頭燈、倒後鏡都用哂初音嘅代表色。睇真啲，連車頭個標誌都改左做初音個剪影。
後車窗畫左好大毎初音未來，非常震撼！
就算係BMW呢種貴價車，都用埋嚟改做初音嘅痛車！天空藍嘅車身同初音真係絕配！
就連側面個窗都唔會浪費，用埋嚟畫初音。呢個充滿近未來感嘅初音好靚。
小編仲發現左「雪初音」嘅痛車。雪初音係為北海道加油而推出嘅初音未來。淡藍色嘅車身，就好似冬日嘅天空一樣，上頭畫嘅雪初音非常可愛。
身穿和服嘅初音搭紅色車身非常搶眼，俾人一種新鮮感。
仲有初音未來嘅痛單車！
活動會場不單止有痛車，仲有痛單車。我地發現左好幾台初音未來嘅痛單車！
車轆就唔駛講，就連扶手、坐位、腳板、車鍊都係初音色！
雪初音嘅痛單車就用彩繪左紅藍白三色，非常有時尚感。
台場痛車天國絕對係初音粉絲必去嘅活動之一。你有無睇中邊款合心水呢？如果係你又會設計點樣嘅痛車呢？記得留言話比小編知。
Comments