橫濱八景島海洋樂園～海、島、生物的主題樂園

 

八景島海洋樂園、係橫濱屈指可數嘅人氣休閒場所，集結水族館、遊樂設施、美食、購物、酒店一應俱全。

關於八景島海洋樂園

八景島海洋樂園係1993年建立而成嘅人工島主題公園、島內整個都係八景島嘅範圍。免費入場，但水族館、遊樂設施使用時會收費。

八景島海洋樂園推薦項目

八景島海洋樂園集齊遊玩、購物、住宿等設施、令你可以留喺呢邊玩足成日！

八景島海洋樂園水族館

八景島海洋樂園分為四大部份：「Aqua Museum（アクアミュージアム」）、「Dolphin Fantasy（ドルフィンファンタジー）」、「Fureai Lagoon（ふれあいラグーン）」、「Farm Sea（うみファーム）」。當中最具人氣非日本最大級水族館「Aqua Museum（アクアミュージアム）」莫屬。展覽過700多種約12萬件海洋生物、推薦人氣「親親海豚和海象」嘅互動環節。（參考資料時間為2019年3月尾）

遊樂設施

遊樂園內有20多種遊樂設施，由過山車（雲霄飛車）到迷你遊樂設施。其中最有人氣嘅係海上過山車「波浪雲霄飛車Leviathan」，俾你一嘗海邊90米高空下的剌激。

推薦餐廳＆店舖

餐廳種類選擇多多，有日式餐廳、西餐廳、燒烤、自助餐、咖啡店等可供各種各樣嘅店。如果有選擇困難症唔知點揀好嘅話，推薦去試試「 Paradise Kitchen（パラダイスキッチン）」同「哉介（やすけ）」、食橫濱人氣嘅海鮮丼。

另外，海洋樂園裡面有好幾個商店區，一共有10間以上嘅土產商店。可以搵到各種八景島海洋樂園特式點心、商品手信點心，記得去行個圈啦。

HOTEL SEA PARADISE INN酒店

想住近啲橫濱八景島海洋樂園，推薦酒店「HOTEL SEA PARADISE INN」。只有28個房間嘅酒店雖然不大、但係全部都係海景房嚟吖。連喺酒店裡面嘅餐廳，都可以一邊享受美食一邊飽覽八景島內美景。

八景島海洋樂園入場劵價錢・購入方法

如果要盡情享受八景島海洋樂園，推薦你買「ONE DAY PASS」玩足成日。「ONE DAY PASS」包晒四個水族館入場費同任玩全部遊樂設施。

費用方面同，即場購買門票為5050円、如果係網上預購就會平少少，售價為4700円。

（參考資料時間為2019年4月）

八景島海洋樂園路線

• 八景島海洋樂園最近嘅車站係「八景島站（八景島駅）」。
• 要去「八景島站」，首先從橫濱站坐京急線，去金澤八景車站。由「金澤八景車站」換乘「橫濱海岸線」，大約8分鐘就會到達「八景島站」。
• 從「八景島站 」到八景島海洋樂園只需徒步約10分鐘。

景點資訊

• 名稱：八景島海洋樂園
• 地址：〒236-0006 神奈川県横浜市金沢区八景島
• 交通方式：橫濱海岸線「八景島駅」から徒歩約10分鐘
• Wi-Fi支援：有提供服務
• 語言服務：中文（繫／簡）, 英文, 韓文, 泰文
• 購票方式：官方網站線上購票, 現場即場購買
• 信用卡服務：VISA, MasterCard, JCB, AMERICAN EXPRESS, Diners Club International, 銀聯（※有部份店鋪不能使用）