芒草仙石原係箱根嘅人氣觀光景點之一。雖然秋天最受大家歡迎，但四季不同嘅美景亦係一大魅力。今次小編就要為大家介紹仙石原芒草原嘅特色，建議路線，周圍嘅美食等等。
「仙石原芒草原」嘅特色
仙石原芒草原係一片覆蓋著芒草嘅草原。中央有步行路徑，可以邊行邊欣賞沿途景色。去程係上斜路，回程則為落斜路，可以欣賞別具特色嘅風景。特別喺秋天，去程可以感受芒草高過人嘅震撼力，回程則可以感受正面廣闊嘅雄偉山脈及隨著風搖擺嘅芒草之美。美輪美奐嘅景色各分千秋。
春天嘅「仙石原芒草原」（3月～5月）
為避免芒草原變成雜木林，毎年3月都會進行「燒荒」。廣闊嘅草原被火焰覆蓋時真係超級有震撼力。燒荒嘅不久之後、芒草同春天植物就會開始發芽。而春天亦係呢一片芒草原新一年開始嘅季節。
夏天嘅「仙石原芒草原」（6月～8月）
夏天嘅仙石原芒草原，可以欣賞到生長旺盛，綠油油嘅芒草原映襯綠色群山嘅風景。夏天就係可以同充滿朝氣、生機嘅芒草原相遇嘅季節。
秋天嘅「仙石原芒草原」（9月～11月）
一到秋天，芒草滿開，9月底至11月中為觀賞時期。呢個時期嘅芒草仙石原為一大魅力。日頭同夜晚嘅景色都不同但各有千秋。日頭為一片淡淡嘅金黃色，散發柔和氣息。而喺夕陽映照下金黃璀璨嘅芒草景，呈現秋天嘅愜意感。全日嘅景色都非常值得大家一覽。
冬天嘅「仙石原芒草原」（12月～2月）
冬天時分，就變成一片已經枯萎嘅啡色芒草原。但冬天嘅特色就有雪景。雪花同天空形成一片白矇矇嘅世界，同呢一片芒草原呈現美麗嘅對比。
「仙石原芒草原」附近嘅餐廳
仙石原芒草原附近有Café，正宗法國餐廳，美術館内嘅餐廳等等，各式各樣嘅料理店，任君選擇。特別推薦可以喺黃昏時分，邊眺望一片遼闊嘅芒草原景色邊用餐嘅店鋪。
仙石原芒草原附近嘅酒店
仙石原芒草原附近有多間美術館，酒店同旅館等住宿。特別推薦可以從房間內一覽芒草原嘅酒店。喺房間內可以喺黎明黃昏時分眺望夢幻嘅芒草原美景。
如何從機場去仙石原芒草原呢?
從成田國際機場前往仙石原芒草原嘅交通方式
從成田國際機場出發，搭JR電車途經東京站抵達小田原站後，再搭箱根登山鐵道。
從羽田機場前往仙石原芒草原嘅交通方式
從羽田機場出發前往箱根湯本，乘搭途經橫濱嘅高速巴士途經最為方便。抵達箱根湯本後，乘搭箱根登山巴士於仙石高原站落車徒歩約3分鐘抵達。
景點資訊
- 景點名稱：仙石原芒草原
- 地址：神奈川縣足柄下郡箱根町仙石原
- 交通方式：
- 從成田國際機場前往，乘搭JR前往東京站約1個鐘時間，再乘搭新幹線前往「小田原站」約35分鐘，轉乘箱根登山鐵道約17分鐘至「箱根湯本站」，最後乘搭箱根登山巴士約28分鐘，於「仙石高原站」落車徒歩約3分鐘抵達
- 從羽田機場出發前往，乘搭高速巴士「箱根湯本AIR LINER」約45分鐘；而横濱站上車乘搭高速巴士「箱根湯本AIR LINER」則需約90分鐘。箱根湯本站落車後，再轉搭「箱根登山巴士」約28分鐘，於「仙石高原站」落車徒歩約3分鐘抵達
Comments