川崎大師位於神奈川縣川崎市，以消厄解難聞名，聽聞仲有强而有力嘅消災和願望成真嘅「好靈感」。
關於川崎大師
川崎大師—正式名稱為「金剛山金乘院平間寺」。寺院建於1128年，可謂歷史悠久。與同成田山新勝寺（千葉縣）、髙尾山藥王院（東京都八王子市）被稱為「關東三山」。
川崎大師必訪・推薦景點
川崎大師除咗去大本堂參拜之外，仲可以去一訪寺院嘅靈氣場點（Power Spot），嚟個「能量景點」巡遊觀光，仲可以睇睇有無啱眼緣嘅「護身符」買嚟做個小記念啦。
寺院氣場點（Power Spot）、「能量景點」巡遊觀光
川崎大師院內面積廣寬，「能量景點」多多。其中最强而有力嘅有以下5個地方。「大本堂」、「經藏」、「福德稻荷堂」、「正塚婆」（しょうづかの婆）、「藥師殿」。由於各個「能量景點」能景功能各不同、(有開運・消災解厄・美容・美貌祈願等)。如果時間不妨去行個圈收集一下各種不同正能量啦!
來一個「護身符」買嚟做個小記念吧
川崎大師以「消災解厄」聞名，護身符中「厄除御守」「身代守」系列最具人氣。另外，「開運御守」亦十分推薦喔。
川崎大師「風鈴市」
每年7月都會舉行全國最大的「風鈴市」，亦係川崎大師的人氣活動之一。屆時有全國各地47縣約900種、約3萬多個風鈴會展出。由於有很多風鈴素材唔多一樣，每當涼風吹過，逾萬個風鈴會隨之響起，音色亦千差萬別，合奏起嚟就好似欣賞緊一場交響曲咁詩情畫意。風鈴設計獨特，種類繁多，絕對會難到有選擇困難症嘅你唔知點揀呀喂~
仲見世通商店街
距離川崎大師入口「大山門」約150米，有一條販賣「消厄運」相關物品嘅「仲見世通り（仲見世通）」。沿途一系列日式獨特糖果，例如人氣「長壽餅」、日式傳統和菓子「おかき」（以米為原料所做出來的菓子，即日式小點心）、饅頭等等，當然唔少得吉祥物代表「達摩」（だるま）啦！無論係手信記念品店到料理店等等都盡在川崎大師仲見世通。日本新年「初詣」時嚟參拜嘅人潮可謂「人山人海」吖。
川崎大師路線
川崎大師搭京濱急行線「川崎大師站」徒步約8分鐘。東京都內的話從「品川站」出發，神奈川的話從「橫濱站」出發，搭京濱急行線到「川崎大師站」只需轉乘1次。
景點資訊
- 名稱：川崎大師平間寺
- 地址：〒210-8521 川崎市川崎區大師町4-48
- 交通方式：京急大師線「川崎大師站」徒歩約8分鐘
- Wi-Fi服務：有提供
- 可否使用信用卡：不可
Comments