大棧橋：橫濱國際客船碼頭

大棧橋位於橫濱港，係日本國內最大規模嘅大型國際客船碼頭。於碼頭內有可以展望海灣區域港未來街景嘅展望台、餐廳、紀念品商店等等，係橫濱觀光嘅人氣景點之一。

關於大棧橋

大棧橋嘅前身係係1894年建成嘅碼頭，經過改裝、增建之後，於2002年興建完成。有來自日本國內外嘅大型客船停靠港灣，運氣好嘅話仲可以有機會睇到停泊中嘅客船。

此外，大棧橋係3層樓嘅建築。1樓係停車場，2樓係出入境大廳、餐飲店同紀念品商店，屋頂上有木頭甲板同草地廣場。

大棧橋唔單止係國際客船碼頭，作為觀光景點亦充滿魅力。最吸引人嘅係以船嘅甲板為主題建造，屋頂上嘅廣大甲板。可以360度一望橫濱嘅港灣、市區、橫濱海灣大橋等，係景色宜人嘅絕佳景點。甲板以平緩嘅斜坡同建築物本體連接，俗稱「鯨魚嘅背部」。

另一方面，室內則係被稱為「鯨魚嘅肚」，使用特別嘅建築技法創造出無任何柱支撐嘅巨大空間。此外，喺2樓嘅出入境大廳樓層有時尚嘅Café同餐廳，仲有可以買到橫濱當地特產同日本雜貨嘅紀念品商店。

造訪大棧橋之餘，不妨乘搭大型觀光郵輪客船「Royal Wing 皇家之翼」於橫濱港巡航。約2個鐘左右嘅郵輪巡航途中，將會通過橫濱海灣大橋、繞行橫濱港，並可以眺望橫濱市區街景。有午餐、下午茶、晚餐等方案，1日4班航次。費用為乘船票價加上餐點費用合計，根據唔同時間帶而有所不同，詳細請參考官網。

大棧橋附近有唔少商務旅館、經濟旅館、青年旅舍等住宿設施。房價費用大約喺5,000円～20,000円不等。好多旅館位置面向大海，可以欣賞橫濱港嘅景色為特點。

距離大棧橋最近嘅車站係「日本大通站」，從車站行路到大棧橋大約7分鐘左右。從東京前往大棧橋嘅話，首先從JR東京站乘搭東海道本線至橫濱站。從橫濱站轉乘港未來線，車程約5分鐘即可抵達「日本大通站」。

名稱：大棧橋
地址：〒231-0002 神奈川縣橫濱市中區海岸通1-1-4
交通方式：港未來線「日本大通站」徒步約7分鐘
Wi-Fi：有
語言：英文（國際客船碼頭服務中心）
信用卡：可使用VISA卡、MasterCard萬事達卡、JCB卡、AMERICAN EXPRESS美國運通卡、Diners Club International大來國際信用卡、銀聯卡（依商店設施而定）