新橫濱拉麵博物館：來自日本全國各地嘅知名拉麵店大集合

新橫濱拉麵博物館，聚集咗來自日本全國各地嘅知名拉麵店，可以一次過品嚐到唔同風格拉麵嘅人氣美食景點。距離新橫濱站徒步5分鐘左右，交通方便亦係其魅力之一。

關於新橫濱拉麵博物館

新橫濱拉麵博物館係地面1層、地褲2層，總共3層嘅建築。主要嘅拉麵店位於地下1樓同2樓，共有8間店鋪。此外，博物館內仲有可以買到紀念品，以及Café、居酒屋、零食專門店等等，除咗可以品嚐到拉麵之外，仲有其他不同樂趣。

去一趟新橫濱拉麵博物館，可以品嚐到多間知名拉麵店唔同口味嘅拉麵，係新橫濱拉麵博物館最大嘅魅力。除此之外，館內有好多推薦嘅地方，喺品嚐拉麵之餘，可以行下館內設施。

日本全國各地有好多人氣拉麵店，而新橫濱拉麵博物館嘅店鋪亦會不定期更換，如果發現有興趣嘅拉麵店，建議盡早去喇，唔係換咗又食唔返。

拉麵嘅種類有：使用喺北海道海域採集嘅昆布做成嘅醬油拉麵、日本東北地方知名嘅辣味噌拉麵、以豬骨高湯為基本嘅九州博多拉麵等等，各種唔同口味。並提供迷你尺寸嘅小碗拉麵，因此可以品嚐多間拉麵作比較。

此外，館內重現日本昭和時代嘅復古懷舊街景，遊客彷彿行入時光隧道一般，可以體驗重回舊時代日本嘅氛圍，亦係相當有趣嘅經驗。

鐘意食拉麵嘅朋友仔，都唔好錯過參觀關於日本拉麵嘅歷史展示區。介紹起源於中國嘅麵食料理，喺傳到日本之後如何實現獨自嘅發展，藉此學習拉麵嘅歷史。此外，仲介紹日本各地當地嘅拉麵同來自世界各國唔同種類嘅拉麵，透過觸控式螢幕嘅面板進行展示。

去紀念品店就梗係要買人氣店鋪嘅拉麵組合。喺屋企都可以簡單重現名店嘅味道，送禮自用兩相宜。其他仲有拉麵口味嘅仙貝餅等等，從食品到特別商品都有，種類豐富。

重現懷舊零食餅乾專門店嘅「日落商店」，可以買到日本傳統嘅零食點心。好似係仙貝、魷魚、糯米糰子等豐富多彩嘅點心品項齊全，復古嘅包裝亦係魅力所在。因為都係小包裝而且低單價嘅零食，作為紀念品，大量採購都唔錯吖！

要前往新橫濱拉麵博物館，最近嘅車站係JR新橫濱站或係橫濱市營地下鐵嘅新橫濱站。於JR新橫濱站落車後，從北口徒步約5分鐘。亦可以乘搭橫濱市營地下鐵，從8號出口徒步約1分鐘。

名稱：新橫濱拉麵博物館
地址：〒222-0033 橫濱市港北區新橫濱2-14-21
交通方式：距離JR新橫濱站徒步約5分鐘、距離橫濱市營地下鐵嘅新橫濱站8號出口徒步約1分鐘
Wi-Fi：提供
語言：英文、中文、韓文及泰文
門票：於入口處購買
信用卡：可使用VISA卡、MasterCard萬事達卡、JCB卡、AMERICAN EXPRESS美國運通卡、Diners Club International、銀聯卡（僅限紀念品商店）