大涌谷刻劃箱根火山爆發痕跡

大涌谷係約3,000年前，印證箱根火山噴發所形成嘅火山口痕跡。直到現今都會噴發100℃前後嘅水蒸氣以及大量硫磺。從呢個動態景象感受到地球嘅生命氣息。

關於箱根大涌谷

大涌谷位於神奈川縣箱根町嘅富士箱根伊豆國立公園内。一靠近大涌谷，周圍瀰漫著硫黄嘅氣味，啡紅色嘅地面及白煙瀰漫嘅景色呈現眼前。如此獨特嘅景觀，作為箱根唯一一個可以近距離感受火山活動嘅景點而聞名。

根據大涌谷火山爆發情況有可能禁止入內。到訪之前請先上「箱根・大涌谷情報」官網確認。

大涌谷除咗有震撼人心嘅煙霧美景，仲有各式各樣喺呢度先可以體驗到嘅活動。

大涌谷站係箱根空中纜車站之一，想前往早雲山站或桃源台站、需要喺呢度轉乘。

大涌谷站係空中纜車之中海拔最高嘅車站，由於有返咁上下高度，所以從車窗眺望嘅景色非常壯觀宏偉。從早雲山站出發嘅路上，可以俯瞰高低差約130米嘅廣闊谷底。而從前往桃源台站嘅路上，則可以飽覽富士山及蘆之湖嘅景色。

於大涌谷可以食「黑蛋」名產。黑蛋顧名思義蛋殼係黒色，但內裡同普通烚蛋無乜分別。但比起普通烚蛋，蛋黃更加香醇濃厚，散發淡淡硫磺氣味為特徵。黑蛋以約80度嘅溫泉水煮滾，再放入釜鍋以約100度嘅蒸汽蒸熟。蛋殼變成黑色嘅理由，就係因為溫泉嘅硫化氫同鐵質結合成硫化鐵再附喺蛋殼之上。

延命地藏尊位於大涌谷噴煙口前。於一千年前，地蔵救濟人們嘅災難苦痛。因此，現今作為「延命育子地藏尊」而聞名。另外，隔離湧出「神泉之湯」嘅溫泉水，據聞只要將溫泉水倒喺延命地蔵尊身上就會帶來好運。

距離大涌谷最近嘅車站為箱根空中纜車嘅「大涌谷站」。從箱根湯本站可以方便抵達。先從箱根湯本站乘搭箱根登山電車，於強羅站轉乘箱根登山鉄道鋼索線。抵達早雲站後轉乘箱根空中纜車抵達大涌谷站。所需時間約1個鐘。

景點資訊