高知縣位於四國南部自然資源豐富的縣區。有好多地方可以眺望大自然宏偉美麗嘅景色，可以悠閒地度過只有兩小口嘅二人時間（甜蜜蜜～）。
四萬十川
四萬十川全長196公里，有「日本最後的清流」嘅美譽。
四萬十川有多個沉下橋。「沉下橋」即係當河水水位上漲時，可減少洪水及夾帶泥沙的衝擊，也可減少橋梁損壞的機會。「沉下橋」作為攝影勝地非常有名，雄偉山巒，四萬十川、沉下橋等風景都係絕佳嘅觀光景點。
喺四萬十川，仲可以享受划艇、漂流、浮潜體驗添。
景點資訊
- 名稱：四萬十川
- 地址：高知縣四萬十市
- 交通：從高知站搭電車到中村站約需1小時40分鐘
- Wi-Fi支援：沒有
- 入場費：免費
- 可否用信用卡：不可
桂濱
自古作為賞月名勝而聞名嘅桂濱係一個彎彎地，成弓形狀嘅沙灘。
龍頭岬有高13.48米嘅阪本龍馬像。阪本龍馬為日本有名嘅武將，所以有唔少阪本龍馬FANS會專程到桂濱拜訪偶像。
周邊有桂濱水族館、阪本龍馬紀念館等觀光景點，所以唔怕望住同一景色，可以盡情享受多重自然美景嘅樂趣。
景點資訊
- 名稱：桂濱
- 地址：高知県高知市浦戸桂浜
- 交通方式：TOSADEN交通巴士（とさでん交通バス），於播磨屋橋（はりまやばし）搭前往桂濱（桂浜行き）巴士約35分鐘
- Wi-Fi支援：無
- 入場費：免費
- 可否使用信用卡：不可
白山洞門
從足摺岬沿著人行道逐步走落陡峭階梯，慢慢見到心型嘅「花崗岩海蝕洞」出現係你眼前啦。
共同感受大自然嘅不思議，令二人情感好似心型嘅「花崗岩海蝕洞」咁既深厚又甜蜜。
另外，附近仲有「足湯」，行到攰攰地可以浸番陣補充腳力。
景點資訊
- 名稱：白山洞門
- 地址：高知県土佐清水市足摺岬
- 交通方式：高知站-->中村站約2小時55分
- Wi-Fi支援：無
- 入場費：免費
- 可否使用信用卡：不可
高知必食料理「軍雞」
講到高知，「軍雞」非常出名。
「軍雞」係雞嘅品種之一，而因為高知出身嘅阪本龍馬好鐘意而變成人氣料理，被稱為「龍馬喜愛嘅味道」。
於日本受歡迎嘅歷史小說「竜馬がゆく（司馬遼太郎著）」中登場嘅《軍雞鍋》係絕品，希望大家一定要試一試啦。
「ひろめ市場」嘅「軍鶏伝」係心水推薦喔。「ひろめ市場」彙集咗豐富多姿嘅軍雞料理令你可以大飽口福。
景點資訊
- 名稱：軍鶏伝
- 地址：高知市帯屋町2丁目3番1号
- 交通方式：從JR高知站出發揸車約5分鐘
- Wi-Fi支援：無
- 可否使用信用卡：不可
土佐美食代表，「鰹魚半敲燒（鰹のたたき）」
日本高知縣嘅捕魚量係屈指可數，而鰹魚半敲燒（鰹のたたき）係當地特產。
所謂敲燒（たたき）就係將魚嘅表面烤得酥脆，中間魚身肉質依舊保持新鮮程度，呈現出「外熟內生」嘅絕妙滋味。
私心推薦ひろめ市場内嘅「明神丸」，稻草燒烤出好滋味，唔洗太多調味，點些少鹽就可以食出新鮮好味道。
景點資訊
- 名稱：藁焼き鰹たたき明神丸ひろめ市場店
- 地址：高知市帯屋町2丁目3番1号
- 交通方式：JR高知站出發揸車約5分鐘
- Wi-Fi支援：無
- 可否使用信用卡：不同
從松山機場出發去高知站嘅交通方法
先搭巴士由松山機場移動到高知站。之後、由JR松山站前搭前往桂濱行（桂浜行き）巴士、約2小時30分鐘到達高知站前。
從高知龍馬機場出發去高知站嘅交通方法
由高知龍馬機場出發，坐機場巴士或的士約30分鐘左右。
利用機場巴士嘅話。喺「はりまや橋」（播磨屋橋）轉車搭TOSADEN(とさでん)交通伊野線，5分鐘左右後到達「高知城前站」落車。
Comments