2019年4月1日中午，日本政府公布咗繼「平成」之後嘅新年號為「令和」，腦筋轉得快嘅商人睇準商機，打鐵趁熱火速推出新年號相關商品，分別喺令和發表不久後即刻開始販售，或預計於新天皇就位嘅5月1日開始發售。接落嚟，就等我哋同大家介紹「令和」相關系列食品5選啦！
新年號發表後，立即喺店面開始販售 ねんりん家「令和年輪蛋糕」
年輪蛋糕專賣店嘅「ねんりん家」誕生咗「令和年輪蛋糕」！呢款年輪蛋糕係開店以嚟第一款紅白相間嘅年輪蛋糕，象徵恭祝慶賀日本邁向嶄新嘅時代。從平成到令和，將兩個年號用兩個圓圈表示。只有而家先有機會食到呢個咁特別嘅美味啊！
商品概要
- 商品名稱：令和年輪蛋糕
- 售價：1,188円（含稅）
- 發售期間：2019年4月1日（一）～５月中旬（預定）
- 官方網站：https://www.nenrinya.jp/products/shingengou.html
「令和」最初嘅3分鐘就係杯麵啦！3種紀念新年號包裝新登場
日清食品股份有限公司將於5月1日（三）發售「CUPNOODLE 新年號紀念包裝」。原味、咖哩、海鮮三種經典口味嘅杯麵利用該食材同品牌商標所設計出新包裝圖案，睇起嚟就好似個吉祥不倒翁，配搭上正面大大隻字寫著新年號「令和」，非常適合用嚟慶祝新時代展開序幕。「令和」元年第一個杯麵，就係要食呢個咁喜氣洋洋包裝嘅杯麵啦！
商品概要
- 商品名稱：CUPNOODLE 日清杯麵 紀念新年號款式
- 口味：原味、咖哩、海鮮
- 售價：180円（未稅）
- 發售日：2019年5月1日（三）起～
LAWSON限定！新年號第一包薯片 薄鹽口味5月1開賣
為紀念新年號嘅開始，LAWSON將喺5月1日（三）限量發售呢款包裝上印有大大隻新年號嘅「Calbee卡樂B 新年號第一包薯片 薄鹽口味」。喺包裝正面印製咗發售日，背面則印「Calbee卡樂B洋薯片薄鹽口味」嘅進化史。因應元年5月1日嘅發售，價錢含稅仲係151円添。
商品概要
- 商品名稱：Calbee卡樂比 新年號第一包洋芋片 薄鹽口味
- 售價：151円（含稅）
- 發售日：2019年5月1日（三）起～
「香檳純米酒 令和酒」乾杯歡慶「令和」年！
祝賀新年號嘅「令和酒」有兩個特徵。第一係「酒樽內二次發酵釀造嘅細緻泡泡」，第二個就係「岡山白桃酵母所蘊釀嘅高雅酒香」。由於酒樽內發酵，令呢款酒嘅碳酸氣泡飲起嚟好清爽，容易入口，再加上隱隱約約飄來酒麴嘅香氣，釀造出絕妙嘅風味。仲用咗岡山縣嘅白桃酵母，係一款清爽順口嘅發泡性清酒。不禁令人驚訝「嗯？呢個係日本酒？」，推薦大家喺「令和」元年用香檳咁嘅日本酒飲勝呀！
商品概要
- 商品名稱：香檳純米酒 「令和酒」
- 尺寸：720ml、 250ml兩種
- 售價：720ml 1,694円（未稅）、250ml 796円(未稅)
- 官方網站：https://reiwashu.jp
墨西哥粟米片「多力多滋」紀念新年號限定包 30%驚喜增量
為紀念新年號「令和」，深受超過55個國家喜愛嘅墨西哥粟米片品牌嘅人氣口味「多力多滋 墨西哥夾餅口味」增量30%，設計出「慶賀令和 30%增量版」，喺2019年6月10日（一）於日本全國超市等零食賣場限定發售。
商品概要
- 商品名稱：多力多滋 墨西哥夾餅口味 新年號紀念款 增量30%
- 售價：105円（未稅）
- 發售日：2019年6月10日（一）起～
從2019年5月1日起，日本迎接新時代嘅序幕開始，喺呢段期間嚟日本玩嘅朋友，不妨好好體驗一下日本全國歡慶氣氛啦！
Comments