位於岩手縣三陸地方嘅釜石市有「鐵的歷史館」呢間著名嘅綜合博物館。嚟到呢度可以瞭解到有關釜石地區製鐵嘅歷史，仲可以參觀被登錄為世界遺產，名為「橋野鐵礦山」嘅日本最古老嘅高爐（煉鐵嘅設施）遺蹟。
關於鐵嘅歷史館
鐵的歷史館係為咗紀念活躍於19世紀後半嘅日本近代製鐵之父「大島高任」，以及與偉大製鐵事業相關嘅人，而於1985年建造。其後，同樣位於釜石市嘅「橋野鐵礦山」登錄為世界遺產，以此機會，將紀念館翻新成可以學習到製鐵文化及近代製鐵業發展歷史嘅綜合展覽設施。
鐵的歷史館推薦之處
鐵的歷史館分成2個展區。「綜合展演劇場」及「展示中心」。喺「綜合展演劇場」，以日本現存最古老嘅西洋式高爐（煉鐵嘅設施）遺址，橋野高爐跡三號高爐嘅原尺寸大模型為中心，播放介紹釜石歷史、約17分鐘嘅影片。喺「展示中心」有針對鐵嘅歷史、釜石嘅鋼鐵產業之近現代史等解說展示牌，以及近在身邊嘅鐵製品模型、鐵製玩具等等展示物品，可供遊客參觀。
鐵嘅歷史館嘅營業時間同交通方式
鐵的歷史館嘅營業時間為朝早9點至下午5點，最後入館時間至下午4點為止。每逢星期二休息。門票成人為500円。要前往鐵的歷史館，可以從釜石站乘搭巴士。從車站前嘅巴士站搭往上平田方向嘅巴士，車程約7分鐘，於「釜石觀音入口」落車，徒步約3分鐘左右。
景點資訊
- 名稱：鐵嘅歷史館
- 地址：〒026-0002 岩手縣釜石市大平町3-12-7
- 交通方式：從釜石站乘搭巴士車程約7分鐘，至釜石觀音入口落車，徒步約3分鐘
關於橋野鐵礦山
橋野鐵礦山係日本現存最古老嘅西洋式高爐（煉鐵嘅設施）遺跡。建設於1858年，喺19世紀後半嘅產業革命期間，對於製鐵產業嘅發展有好大嘅貢獻。一直到1894年高爐關閉之前都持續運作。現今被指定為日本嘅國家重要文化財產，並且作為「明治日本產業革命遺產 製鐵・製鋼、造船、石炭產業」嘅構成資產之一，登錄為世界遺產。
橋野鐵礦山推薦之處
於橋野鐵礦山，可以參觀三座高爐遺跡、水車場遺跡、稱為「御日払所」嘅辦公室遺跡、長屋跡、山神社跡等歷史古蹟。此外，園區內設有服務中心，可以更加瞭解有關橋野鐵礦山嘅詳細歷史。
橋野鐵礦山嘅營業時間同交通方式
橋野鐵礦山基本上任何時間都開放參觀。但係，服務中心嘅營業時間為朝早9點至下午4點半。要前往橋野鐵礦山，可以從釜石站前嘅釜石觀光綜合服務中心搭直通巴士。原則上需要提前一日預約，車程所需時間約50分鐘，車票來回2,000円。
景點資訊
- 名稱：橋野鐵礦山
- 地址：岩手縣釜石市橋野町
- 交通方式：從釜石站乘搭直達接駁巴士車程約50分鐘
Comments