三陸嘅碁石海岸有好多風景名勝。沿著海邊可以欣賞各種風景。此外，仲有美麗嘅山茶花。今次小編就要為大家介紹呢個擁有豐富大自然嘅碁石海岸。
關於三陸碁石海岸
碁石海岸位於岩手縣大船渡市嘅末崎半島。碁石係日本自古以來嘅桌上遊戲「圍棋」所使用嘅用具。海濱有黑色、圓滾滾好似圍棋嘅小石頭，因此被稱作碁石海岸。
海岸上有一個名為「碁石八景」嘅風景名勝。其中特別受到遊客歡迎嘅係「穴通磯」，係一座喺海水嘅侵蝕之下，岩石底部形成3個大洞穴嘅奇岩。另外，當波浪打向洞穴時發出類似雷聲嘅「雷岩」，都係震撼人心嘅景點。雷岩附近有一個高達十幾米高嘅斷崖絕壁 「亂曝谷」。
於三陸碁石海岸可以體驗嘅事情
碁石海岸穴通船
可以乘搭小船沿著碁石海岸遊覽。當地漁民為乘客熟練地駕駛船隻。乘船遊覽結束之前，船會從碁石海岸嘅景點之一「穴通磯」下方嘅洞門穿過去。乘船遊覽嘅時候，可以近距離觀賞碁石八景中嘅奇石等魅力。
碁石岬
碁石岬位於末崎半島嘅前端，可以從「碁石埼展望台」欣賞絕景。天氣好嘅話，甚至可以眺望宮城縣嘅牡鹿半島。
「碁石埼燈塔」位於展望台附近。呢座高10.5米嘅白色燈塔，係戀人嘅朝拜聖地，據聞如果戀人嚟到呢度，可以加深之間嘅關係。
景點資訊
- 名稱：碁石岬
- 地址： 岩手縣大船渡市末崎町大浜
- 交通方式：從碁石浜步行約10分鐘
碁石「世界椿館」
碁石海岸周圍有好多季節性花草可以欣賞。其中，碁石海岸大船渡市擁有「椿之里」之稱，以「椿」呢種山茶花聞名。碁石海岸沿岸，亦有一個「世界椿館・碁石」，喺室內栽培並展示來自世界各地13個國家、600種椿山茶花。每年1月底至3月頭，喺山茶花盛開嘅季節仲會舉辦「椿山茶花季 (つばきまつり)」。
景點資訊
- 名稱：世界椿館・碁石
- 地址：岩手線大船渡市末崎町大浜280-1
- 交通方式：碁石海岸旅遊服務中心步行1分鐘
如何前往呢？
最近嘅車站為JR 大船渡線嘅碁石海岸口站。搭的士約10分鐘，或從車站步行40分鐘。從東京都可以乘搭巴士。喺池袋站西口乘搭高速巴士Kesen Liner(けせんライナー)，於「盛・サンリアSC前」落車，乘車時間約9個半小時。再轉乘岩手縣交通巴士碁石線，於「碁石海岸」落車，車程約50分鐘。
Comments