北海道大雪山嘅冬天，堆積著厚厚嘅粉雪，適合滑雪或雪散步健行，秋天能夠欣賞日本最早嘅紅葉，春夏則遍布鑑賞用高山植物嘅空中花園。無論幾時去大雪山都可以近距離接觸到美麗嘅大自然。以下為你介紹幾間喺大雪山附近嘅精選推介酒店。
距離纜車站３分鐘：旭岳溫泉酒店Bear Monte (Asahidake Onsen Hotel Bear Monte)
旭岳遊客中心就喺旭岳溫泉酒店Bear Monte前面，對於想盡情享受大雪山嘅人嚟講，旭岳溫泉酒店Bear Monte就非常適合。呢間酒店嘅家庭風日式歐州菜自助餐非常受歡迎，可以品嘗到主要用咗大雪山旭岳山腳，東川町種植嘅當地蔬菜烹調嘅菜式。而米飯則係當地品牌「東川米」，就連知名嘅「大雪山旭岳水」都任你飲到飽。
酒店資訊
- 名稱: 旭岳溫泉酒店Bear Monte (Asahidake Onsen Hotel Bear Monte)
- 地址: 北海道上川郡東川町勇駒別旭岳溫泉
- 交通: 從JR旭川站乘坐開往旭岳溫泉方向嘅66號旭川電氣軌道巴士，於旭岳溫泉入口處落車，車程約90分鐘。再徒步至酒店約3分鐘。
被大雪山環繞嘅山莊：LA VISTA 大雪山酒店 (Hotel La Vista Daisetsuzan)
喺呢座彷似歐洲山區渡假勝地嘅古典建築中，可以欣賞倒大雪山主峰旭岳嘅壯麗景色。大型公共浴池「もむに之湯」(Momuni no Yu)提供4種浴池。可以浸喺典雅香氣嘅檜木浴池同露天寢湯，好好地享受旭岳西南部深處嘅原始林所湧出嘅源泉。另外，有三個溫泉浴池可以包場自由使用。
酒店資訊
- 名稱: LA VISTA 大雪山酒店 (Hotel La Vista Daisetsuzan)
- 地址: 北海道上川郡東川町勇駒別旭岳溫泉
- 交通: 從道央汽車道 旭川鷹栖交流道下，車程約60分鐘；從JR旭川站有接送巴士(需事先預約)。
玩雪後可以喺壁爐前暖身：湯元 湧駒莊 (Yukomansou)
湯元 湧駒莊嘅休息室設有石造壁爐，可以喺呢度過日常生活中無法體驗到優閒時光。 嘆完美食同溫泉後，可以喺柴火燒得滋滋聲嘅壁爐旁同親朋好友悠閒地傾計。住客仲可以喺館內嘅咖啡店免費享用咖啡、湧泉水添。
酒店資訊
- 名稱: 湯元 湧駒莊 (Yukomansou)
- 地址: 北海道上川郡東川町勇駒別旭岳溫泉
- 交通: 從JR函館本線「旭川站」乘坐開往旭岳溫泉的旭川電氣軌道66號巴士，車程約90分鐘
濃厚嘅渡假別墅氣氛：旭岳溫泉鹿谷酒店 (Hotel Deer Valley)
旭岳溫泉酒店有可以睇倒旭岳全景嘅客房，或能夠眺望滿天星空嘅房間。酒店大廳有座燃點住溫暖柴火嘅壁爐，而「山景Lounge」更可以眺望旭岳稜線。另外，呢度有一個遊戲廳可以供人閱覽書籍或觀看DVD，仲有一個「治癒空間」，可以一邊聽住自己鐘意嘅CD，一邊冥想放鬆。呢間酒店嘅主題可以講係「舒適」，有好多地方都可以俾人放鬆到身心。
酒店資訊
- 名稱: 旭岳溫泉鹿谷酒店 (Hotel Deer Valley)
- 地址: 北海道上川郡東川町勇駒別旭岳温泉
- 交通: 從JR旭川站乘坐開往旭岳溫泉方向的66號巴士，在旭岳溫泉入口處下車，車程約90分鐘
Comments