打算去奈良、和歌山參加比賽嘅人、想唔想感受一下宏偉嘅大自然絕景呢？今次同大家介紹奈良、和歌山嚴選景點、一次飽覽豔紅同蔚藍嘅美景。
「World Masters Games2021關西」係？
「World Masters Games 2021關西」係一場只要年滿三十歲以上嘅運動愛好者就可以參加嘅國際綜合體育大型比賽。
值得紀念嘅第10屆、決定喺日本關西舉辦、而且仲係亞洲首次舉辦。嚟參加呢場大賽、欣賞日本各地嘅魅力所在、聽落去都唔錯吖？
喺奈良、和歌山會場舉辦嘅比賽項目
喺奈良、和歌山會場舉辦嘅比賽項目、睇呢度！
奈良
- 葛城市：拔河
- 吉野町：輕艇（短距離）
和歌山
- 和歌山市：運動舞蹈、帆船（帆船／滑浪風帆）、排球（室內排球）
- 海南市：射擊(來福)
- 田辺市：田徑（長距離接力賽）
- 上富田町：田徑（半程馬拉松）
有想睇嘅運動比賽？除咗可以實際參加比賽之外、單純觀看比賽都OK呀！
關於比賽詳情請click入官網睇睇啦 ☞https://wmg2021.jp/en/
往奈良、和歌山嘅交通方法
大家知唔知、要去奈良同和歌山、其實比想像中方便？
南海本線特急、近鐵難波・奈良線急行
喺和歌山市搭南海本線特急列車Sazan到大阪難波，再轉車搭近鐵電車就可以抵達奈良。車程約需時2個鐘、比其他電車相對平、所以好推薦大家咁搭呀。
JR快速
搭JR快速列車，從奈良去和歌山約2個鐘。所需時間都差唔多、但勝在轉車較為簡單。好推薦俾首次去奈良同和歌山玩嘅朋友。
杜鵑花紅遍山野、奈良「葛城高原」
「一目百萬朵」飽覽杜鵑盛開美景
杜鵑花期為每年5月上旬至5月中旬，盛開嘅美景稱之為「一目百萬朵」，一眼望去坐享百萬朵杜鵑花盛開嘅搖曳姿態。綻放魅力光采嘅杜鵑開遍高原，紅遍山野。而「World Masters Games 2021關西」舉辦嘅日子正正就係杜鵑花開時期，不妨趁機會去埋呢度一賞杜鵑之美啦。
運動後食返個鴨肉鍋，填飽肚補充能量啦
運動後食大餐可以話係人生一大樂事。識揀識食嘅你又點可以錯過「鴨肉鍋」呢？葛城高原LODGE嘅名產鴨肉鍋，係利用山泉水加入柚子製作成湯底，放入新鮮肥美嘅合鴨肉。另外，柚子具有消除疲勞、恢復精神嘅功效，最適合激烈運動過後嘅選手們品嘗！
水面分秒變換，表情萬千嘅和歌山「橋杭岩」
被指定為名勝天然記念物嘅奇岩，同海水交織出美麗風景
位於和歌山縣吉野熊野國立公園嘅「橋杭岩」。因受到海水侵蝕嘅岩石規律地排成一列，睇落似橋而因此命名。亦據說好耐以前，弘法大師（空海）曾經喺度同天邪鬼打賭睇邊個可以一夜之間起好一道橋、而稱之為「橋杭岩」。
決一勝負前睇到日出、就得到正能量？！
橋杭岩有個特色好出名，呢個就係「日出」喇。太陽從地平線緩緩升起、從奇岩縫隙望見嘅日出景色魄力十足。決勝負之前，如果可以睇到此番美景，肯定能從中得到滿滿嘅正能量呀！
今次文章中所介紹嘅觀光景點、睇呢度！
睇完奈良嘅豔紅同和歌山嘅蔚藍，大家覺得點呢？從參賽者嘅球衫顏色到團體代表色等等、形形「色色」、都睇得出顏色同運動都息息相關、帶俾選手一股神秘力量！有任何感想嘅話、歡迎留言分享俾大家知呀！
更多詳細資訊同交通方法、請Click呢度。
Comments