【日本文化】人人都可以變「棋靈王」！圍棋教學：入門須知、玩法、規則與技巧

只要有棋盤同棋，就可以隨時隨地都可以玩得到！「圍棋（囲碁）」圍棋係一款「爭地盤」嘅棋類遊戲，參賽者雙方分別拎住「黑子」同「白子」，喺棋盤嘅有限土地領域中，去「爭地盤」鬥大細去一決雌雄。雖然圍棋規則好似好複雜咁，但只要掌握訣竅，玩法其實可以好簡單！今次小編為大家介紹圍棋嘅起源，須知規則同埋捉棋技巧～

圍棋是什麼？圍棋歷史的介紹

有關源自中國嘅圍棋起源，坊間主要流傳著幾個講法。其中一個講法係，喺公元前2000幾年，堯帝同瞬帝兩位古代中國皇帝為咗教育細路而思考出嚟，而另一個講法則係原本係拎嚟占卜。圍棋傳入鄰國朝鮮半島後，再喺約公元607年傳入日本，並於飛鳥、奈良、平安時代於貴族之間流行起嚟。其後到咗鐮倉、室町時代，再於武士同商人之間流行起嚟。最後到咗江戶時代後期，圍棋就進入黃金時期，圍棋業界獲得幕府以及領主資金援助，因而逐漸發展擴大。

1924年（大正13年），「日本棋院」於東京千代田區創立，從此開始專門培育專業棋士，並決定專業棋士段位以及開催棋戰等等。

喺日本，圍棋唔單只係50、60歳以上男性之間對打嘅棋類遊戲，隨著以圍棋作主題嘅漫畫《ヒカルの碁（棋魂）》等等嘅誕生，亦開始慢慢成為年輕人之間嘅玩意。

圍棋如何玩？圍棋玩法的介紹

簡單啲嚟講，圍棋即係使用黑白棋喺棋盤上面爭地嘅遊戲。兩位參加者面對面，一方掌白棋另一方掌黑棋、各自擴展自己陣地，再以最終包圍地域嘅大小定勝負。

一般棋盤由橫豎各19條線交差組成，盤上一共有19×19＝361個交叉點，以181粒黒子以及180粒白子，合共361粒棋子作為一套。另外亦有適合初學者，橫縱各13條線嘅棋盤。

高級棋具會以貝殼製作白棋與黑石打造黑棋，價格實惠嘅棋具則以玻璃或塑膠製成。

棋子盒（碁笥）係收納棋子嘅容器，對局嗰陣食咗對方粒棋子之後，就可以將食咗嘅棋子放喺棋盒蓋上。

圍棋如何取勝？圍棋規則說明

1）2人對局，輪流喺棋盤上嘅「十字」棋位上投下棋子

參加者可以將棋子任意放置喺無棋嘅地方，但係要注意唔係同黑白棋一樣咁擺喺格仔入面，而係放喺線與線之間嘅交叉點上。另外，即使將敵陣隻棋反轉，都唔會變成自己陣形嘅顏色！

喺圍棋遊戲內，將棋放置喺棋盤上稱為「打つ（下子）」。

2）包圍陣地較大嘅一方代表勝出

由於包圍陣地較大嘅一方代表勝出，因此如何有效率擴展包圍範圍就成為致勝重點。

例子）以16粒黑子形成9嘅陣地

3）只要對方嘅棋子被自己嘅棋所包圍，就可以「提取」

只要包圍對方嘅棋子就可以「提取」

只要成功將對方嘅棋子包圍，就可以提取自用。將被稱為「アゲハマ（提子）」取得嘅棋子放入自己棋盒，再將自己陣地慢慢擴大，從而侵略對方陣地。另外，一旦將棋子放置於棋盤上，只要唔係被對方嘅棋子四面包圍，就唔可以移動位置或者係走。

4）包圍陣地較大嘅一方代表勝出！

「爭地盤」遊戲形式嘅圍棋。喺棋盤上包圍到比較多土地嘅一方就代表勝出。

想更詳細了解圍棋，可以上日本棋院官網check下啦。