從生活雜貨及文房用具，室內裝潢及工藝用品到化妝品等等，搜羅各式各樣商品嘅「東急HANDS」。店鋪遍及日本全國各地，上至北海道，南至沖繩都有分店，亦都係其中一個喺外國人觀光客中具備人氣嘅購物景點。喺包羅萬有嘅商品當中，其中以文房用具系列最為特出。細分至鋼筆，原子筆，熒光筆等等，系列清晰購買方便為一大魅力。今次我哋就要為大家介紹鋼筆以及原子筆！
大人細路都啱用，THE鋼筆！「萬年筆 KAKUNO」1080円(含稅)
大人細路都啱用，真正正正嘅鋼筆。呢支鋼筆特別用心顧及大眾需求。首先，筆桿係拎起嚟都比較順手嘅六角形。其次，凹陷式筆蓋設計唔洗用力就可以輕鬆打開。而且，筆握部分呈三角形，完美配合3隻手指嘅位置，可以輕易拿起而大受好評！另外，寫字大力嘅人都唔洗驚寫壞支鋼筆，不鏽鋼製嘅筆頭部分為透明式設計，可以輕易知道剩餘墨水量為一大重點。
而且最重要嘅係！鋼筆筆頭正面仲印咗個申條脷出嚟嘅笑哈哈符號！一聽到鋼筆，就會覺得吓，好難用姐？其實方法好簡單，只要打開筆蓋，放支墨囊入去就得。如果墨水塞住咗，乾咗，只要用水沖一吓筆頭就OK。筆桿除咗圖中嘅透明色，仲有白色，黑色。而筆蓋仲有橙色，粉紅色等等，提供多款顏色任你選擇。仲唔快D揀返支屬於你嘅鋼筆啦！
寫一寫，擦一擦，又寫得啦！「PILOT FRIXIONNOCK 05 LFBK23EFR」可擦式原子筆248円(含稅)
喺日本首次販賣就造成話題嘅「FRIXIONBALL」可擦式原子筆。其特徵係用專用擦膠可以擦拭筆跡。由摩擦力產生熱力，將墨水嘅顏色淡化至透明嘅方式。即使擦拭都唔會擦出擦膠碎出嚟，擦得幾乾淨亦唔會留下太多筆跡，只要擦一吓，喺上面繼續寫就得！重寫幾多次都無問題你話係唔係好方便呢？
而今次要為大家介紹嘅係FRIXIONBALL可擦式原子筆嘅「NOCK」系列。由於係推動式按鍵設計，非常方便！想快速記低喺手帳或者係記資料就最適合。另外筆桿上方小窗口所顯示嘅顏色亦清晰顯示「ON」狀態為一大重點。簡單替換嘅筆芯另外販售。筆芯顏色有黑色，紅色，藍色，綠色等等一共10種顏色。而筆尖係極細嘅0.5mm！
一共95種顏色！專業式馬克筆！「TOMBOW 水性MARKER AB-T」324円(含稅)
大受專業設計師支持嘅水性簽名原子筆。全系列一共95種顏色。兩用式馬克筆嘅筆芯分為可以勾勒出強硬線條嘅「水性纖維式筆芯」，以及可以漂亮描繪出細微線條嘅「0.8㎜聚酯筆芯」。單色都分有12種色調，一系列嘅漸變色真係睇得眼花繚亂，據聞呢系列嘅馬克筆甚至風靡至美國㖭吖！
除咗可以普通咁使用，用筆頭輕輕喺紙上面按下，描繪出水滴形狀，只要畫上兩點水滴，就可以簡單勾勒一個心心出嚟！根據力度仲可以勾勒一個豐滿嘅心心形狀出嚟。類似扱印仔嘅感覺，用嚟自製專屬於自己嘅手帳或者係信紙都係唔錯嘅選擇！
■店鋪名稱
東急HANDS 澀谷店
■地址
〒150-0042 東京都澀谷區宇田川町12-18
■營業時間
10:00 ～ 21:00
■休息日
不定期休息
■交通方式
從JR「澀谷站」八公口徒步約8分種
Comments