兵庫、鳥取，擁有一片綠意盎然、充滿活力嘅自然大地。打算嚟兵庫、鳥取參加比賽嘅人，可以順便踏青郊遊，吸收大自然嘅氣息，今次就推薦大家兵庫、鳥取嘅健行觀光景點。
「World Masters Games 2021關西」係？
「World Masters Games 2021關西」係一場只要年滿三十歲以上嘅運動愛好者就可以參加嘅國際綜合體育大型比賽。
值得紀念嘅第10屆，決定喺日本關西舉辦，而且仲係亞洲首次舉辦。嚟參加呢場大賽，欣賞日本各地嘅魅力所在，聽落去都唔錯吖？
喺兵庫、鳥取會場舉辦嘅比賽項目
兵庫
- 游水（跳水／水球／韻律泳／游泳賽）
- 跆拳道
- 網球
- 定向越野賽（森林定向／短程）
- 排球（海灘）
- 射擊（飛碟）
- 田徑（競走）
- 籃球
- 棒球
- 桌球
鳥取
- 射箭（射箭靶／室內射箭）
- 柔道
- 單車（徑賽／越野賽）
- 地面高爾夫
有無想睇嘅運動比賽項目呢？除咗可以實際參加比賽之外，單純觀看比賽都OK！
關於比賽詳情，請Click入官網睇睇♪☞https://wmg2021.jp/en/
往兵庫、鳥取嘅交通方式
大家又知唔知，要前往兵庫同鳥取，其實比想像中嚟得方便呢？
JR特急
從神戶站乘搭JR特急電車，約2個半鐘頭就可以抵達鳥取。車費大約5000円，可能有啲貴，但唔洗轉車太多次，非常方便。
JR普通電車
從鳥取乘搭JR因美線嘅普通電車，約3個半鐘頭就可以抵達兵庫縣，需要用多啲心力轉車，但車費相比之下比較平，約3500円，呵護銀包多一點。
大賽哨聲響起前嘅熱身，漫步天空之城－竹田城跡
陡斜階梯配搭石頭路，高強度嘅熱身路線
人稱「天空之城」、「日本馬丘比丘」，知名嘅觀光勝地竹田城跡。想爬到去山頂無論選擇邊條路線，都需要用上20分鐘，而揀咗行陡斜石階嘅路徑所花費嘅時間唔少於40分鐘。非常推薦俾想要將自己逼到極限嘅人，比賽前一日嚟爬山，由內至外徹底做好熱身準備。
行走於呢片絕景之中，恍如漫步空中
竹田城跡所在嘅山頂標高約350m。依每日氣候變化不同，有時可以睇到白雲上面嘅城堡風貌，而有時則係隱身於雲霧之中，唔見蹤影。於白雲環繞嘅竹田城跡之中散步，恍如漫步空中雲端，感覺非常神奇。但此景難得，必須確認好當日氣象。推薦朝早去睇日出，當你穿越一片雲海，啱啱好睇到旭日初升，呢一片美景必然成為旅程中難忘嘅回憶之一。
大山係中國地區最高嘅山峰登山路線
同富士山並列「西之大山」，挑戰登山路線嘅同時，欣賞絕景
一提到日本嘅山岳，我諗大家都會諗到「富士山」。而「大山」同富士山相比，可謂有過之而無不及，每年吸引900萬人左右嘅登山客造訪，非常有人氣。大山嘅登山路線分為三條：「烏托邦路線」、「元谷散步路線」、「夏山登山路線」。三條路線當中推薦「夏山登山路線」，特別係登上六合目之後所見所聞嘅景色絕美倫比。
推出導遊同住宿設施方案，令你可以毫無顧慮咁爬山。
而登山路線準備咗導遊同訂房住宿嘅套裝方案，對於嗰啲想挑戰登頂但無經驗嘅初學者嚟講，呢度可以無所顧慮咁專心爬山！一人入住嘅話房價可能唔太划算，兩個人以上入住嘅話，房價可以享有優惠，非常適合參加團體比賽嘅運動選手喺比賽開始之前，先嚟一場合宿訓練同熱身一下啦。
今次文章中所介紹嘅觀光景點，睇呢度！
日本絕景觀光非常受歡迎。大家係唔係已經知道今次所介紹嘅景點呢？歡迎有去過呢啲地方遊玩嘅朋友，同FUN! JAPAN分享你嘅經驗或者感想！更多詳細資訊同交通方式，請參考以下網頁：
Comments