日常用品、生活雜貨、居家裝飾同手工藝品等，各式各樣嘅商品都應有盡有嘅TOKYU HANDS有好多「MADE IN JAPAN」嘅商品賣, 好受去日本旅遊嘅外國遊客歡迎。今次就介紹一下膠紙先! 又輕又易擺落行李喼, 又係買嚟做手信嘅好選擇!
兩款膠紙共用一個分割口嘅設計! 「+d Tape + Tape 粉紅色」 540円 (含稅)
以「可以同時用到紙質膠紙同玻璃紙質膠紙」為概念開發呢款商品, 只係用一個cutter(分割口)就可以cut到兩款膠紙。可以揀「紙質膠紙」同「玻璃紙質膠紙」兩款膠紙為一套, 或者兩款都係「紙質膠紙」為一套都得。或者同一樣嘅膠紙但作為士啤(spare)又得。可以隨意自己組合。
為咗cut膠紙時易揸手啲, 整咗個凹陷位, 咁樣就可以用少少力都可以cut到膠紙啦。而且分割口設計時較好唒角度, 唔會令對面嘅膠紙痴落分割位。總共有黑色, 綠色, 紅色, 白色同黃色5種顏色。
1張1張捲起嚟用! Pastel淺色系貝殼「bande藍色貝殼 BDA289」432円(含稅)
好似膠紙咁將貼紙捲起嚟, 一拉開就見到好多張貝殼貼紙可以一張一張咁撕落嚟用, 係一款好浪漫嘅膠紙。淡雅柔和嘅Pastel色系貝殼貼紙重疊排列。透明設計加上水彩風格, 令人感受到蔚藍大海嘅清涼感。逐張撕出嚟貼又好, 重疊一排咁貼都好, 都係一個好可愛嘅裝飾。試吓貼喺卡, schedule book等等幫佢哋扮吓靚啦。
可以寫字上去嘅可愛心型貼紙! 「MW FUNNYPOT Kakikomeru Sticker 心型77565」 302円 (含稅)
喺貼紙上寫memo, 貼喺schedule book作為裝飾, 又靚又方便! 有間條, 格仔, 花等6款圖紋, 各7張, 總共42張作為一set。當生日會, farewell時, 將每個人嘅message寫喺呢張貼紙上, 再貼落張大卡, 咁樣就可以製作出獨一無二嘅心意卡送俾人啦!
■店名
TOKYU HANDS澀谷店
■地址
〒150-0042 東京都澀谷區宇田川町12-18
■營業時間
10:00 ～ 21:00
■定休日
不定休
■交通方式
JR「澀谷站」八公口徒歩8分鐘
Comments