大阪、和歌山嘅神社有好多能量景點，給予嚟參拜嘅人好多力量。今次為大家介紹大阪、和歌山內幾個充滿能量嘅能量景點，令大家元氣精神滿點。
「2021年World Masters Games關西」係？
「2021年關西World Masters Games」係一場只要年滿三十歲以上嘅運動愛好者就可以參加嘅國際綜合體育大型比賽。
值得紀念嘅第10屆，決定喺日本關西舉辦，而且亞洲仲係首次舉辦。嚟參加呢場大賽，同時欣賞日本各地嘅魅力所在，聽落去都唔錯吖？
喺大阪、和歌山會場舉辦嘅比賽項目
喺大阪、和歌山會場舉辦嘅比賽項目：
大阪
- 閉幕式
- 單車（BMX）
- 橄欖球
- 游泳（公開水域）
- 足球（足球/五人制足球）
和歌山
- 運動舞蹈
- 帆船（帆船／風帆衝浪）
- 排球（室內排球）
- 射擊（來福）
- 田徑（長距離接力賽／半程馬拉松）
比賽項目多采多姿，競爭激烈又稀有少見。除咗可以實際參加比賽以外，單純觀看比賽都好OK吖！
關於比賽詳情請Click入官網睇睇啦♪☞https://www.wmg2021.jp/en/
往大阪、和歌山嘅交通方式
大家知唔知，要前往大阪、和歌山，其實比想像中嚟得方便呢？
JR特急
利用連結滋賀、京都及和歌山嘅JR特急，來往大阪、和歌山之間車程大約1小時又10分鐘。只需轉乘一次，又能減少搭車時間，非常推薦大家乘搭。
大阪地下鐵（Osaka Metro）
從新大阪乘搭大阪地下鐵御堂筋線同JR電車，大約2個幾鐘就可以抵達和歌山，凈係需要轉一次車，車費都好平，轉乘下一班車嘅時間比較充裕，非常推薦俾一啲擔心轉乘之間會唔小心迷路嘅人。
喺大阪住吉大社境內散步，吸收神聖能量
住吉大社介紹，一大能量景點
大阪嘅住吉大社，係全國2,300間住吉神社嘅總本山，擁有1800年歷史。其腹地廣闊，供奉咗好多神祇，祈求結緣、財運、保佑生子，各種各樣嘅願望都可以祈願。好多神祇供奉喺同一個地方，集結咗各方神力，可以話係一大能量景點。
尋找刻有五大力嘅石頭！獲得元氣充沛嘅體力啦
住吉大社境內嘅第一本宮，位於南方嘅五所御前，高高聳立咗一棵杉樹，樹底下鋪設咗好多細細嘅砂石，當中混有刻寫咗「五」、「大」、「力」文字嘅石頭，據聞只要搵齊呢啲石頭放入御守袋入面，就可以實現願望！當然仲可以祈求2021年World Masters Games關西參賽獲勝啦！
和歌山・淡嶋神社嘅日本娃娃隱藏住神秘力量
奉獻內衣！？遍佈日本娃娃！？別出一格嘅淡嶋神社魅力
淡嶋神社係一間特別嘅神社，供養日本娃娃而出名。至今所供養嘅日本娃娃數量約達2萬。神社內一字排開嘅日本娃娃亦有難以言喻嘅魅力，係和歌山嘅能量景點之一。更特別嘅係，凈係得呢間淡嶋神社先至有嘅供奉，女信者所供奉嘅「內褲」！2021年World Masters Games關西比賽空檔，嚟呢度行吓，體驗一吓獨特嘅日本文化啦。
淡嶋神社出名於安產祈願
前文所述，淡嶋神社除咗供養日本娃娃出名之外，其中主要供奉嘅神祇少彥名命（すくなひこなのみこと）係醫藥之神。可以祈求解決婦科方面嘅問題、祈求安產生子，治癒各種女性相關嘅疾病。無論身心都可以得到庇佑嘅淡嶋神社，非常推薦俾女性參賽者嚟呢度參拜吖。
今次文章中所介紹嘅觀光景點，睇呢邊！
更多詳細資訊同交通方式，請Click呢度。
Comments