廣島嘅櫻花季從3月下旬到4月中旬。廣島同宮島嘅櫻花通常喺4月1日左右盛開。日本人會盛開嘅櫻花樹下野餐，慶祝春天嘅到來，係每個人喺生活中至少經歷過一次嘅習俗。
廣島優雅嘅櫻花景觀
廣島有好多著名嘅賞花景點。推薦以下地點俾大家：
廣島和平紀念公園
廣島和平紀念公園位於廣島市中心，周圍有300棵櫻花樹，集中於沿岸。當地居民經常喺呢度進行賞櫻活動，幸運嘅話話唔定仲會被邀請一齊賞櫻？！
相關資訊
名稱: 廣島和平紀念公園
- 地址: 廣島市中區中島町1-2
- 交通方式:
- 從JR廣島站乘坐市內循環巴士「廣島Meipuru～pu」，於「和平公園前（廣島和平紀念資料館前）」站落車
- 從JR廣島站乘坐廣島電鐵（路面電車）1號線往「廣島港」，於「本通」或「袋町」站落車，往西步行約400m
廣島城
如果鐘意城堡，可以考慮去廣島城賞櫻，咁就可以一石二鳥。廣島城周圍種植咗450棵櫻花樹，會睇到一個令人驚嘆嘅風景。
相關資訊
名稱: 廣島城
- 地址: 廣島縣廣島市中區基町21-1
交通方式:
- 從JR廣島車站乘搭路面電車約10分鐘，喺「紙屋町東」站落車步行15分鐘
- 從JR廣島車站南口乘搭經由「合同廳舍前」嘅巴士約7分鐘，喺「合同廳舍前」站落車，步行8分鐘
- 乘搭廣島新交通１號線（Astramline／阿斯托藍姆線），喺「縣廳前」站或係「城北」站落車，步行約12分鐘
縮景園
想悠閒地喺美麗嘅日本庭園中漫步？咁就啱啦，縮景園係一個好好嘅地方。呢度種植咗200棵櫻花樹，可以喺一啲草坪區欣賞櫻花。
相關資訊
名稱: 縮景園
- 地址: 廣島縣廣島市中區上幟町2-11
- 交通方式: 從廣島站乘搭往「旭町」方向嘅巴士約5分鐘，於「縮景園入口」落車
紅葉谷公園
呢個楓樹公園位於宮島嘅紅葉谷。呢度被認為係嚴島(宮島)上「八個最美麗嘅景點」之一。除咗秋天嘅紅葉，紅葉谷公園春天嘅櫻花都非常值得欣賞。
相關資訊
名稱: 紅葉谷公園
- 地址: 廣島縣廿日市市宮島町紅葉谷
- 交通方式: 從宮島棧橋步行至紅葉谷公園，約需20分鐘
廣島嘅櫻花預報
往年廣島嘅櫻花大概喺3月27日開花，4月上旬盛開。然而，氣候因素都會影開花時間，如果天氣比較溫暖就會提早開花。請記住，櫻花嘅花期好短。通常喺第一朵花開咗之後一個禮拜左右就會盛開，之後就開始飄落。所以如果你打算去廣島賞櫻同體驗日本賞櫻文化，請要多多留意櫻花嘅開花預報，計劃好旅遊行程，等你嘅櫻花之旅可以順利成行！
Comments