您熱唔熱愛行山呢？咁去日本行呢？一於去廣島縣宮島嘅彌山行下啦。彌山係登山健行嘅最佳地點之一，大約2至3個小時內就可以抵達山頂。 從山頂可以眺望瀨戶內海。彌山周圍仲有一啲奇形怪狀嘅彌岩石群，睇上去更加不可思議。
與嚴島神社同樣位於宮島嘅彌山
位於嚴島神社後方，海拔535米嘅宮島最高峰「彌山」，係廣島嘅旅遊熱門景點之一。從彌山嘅山頂可以眺望瀨戶內海，以及彌山原始林美景。
相關資訊
- 名稱: 彌山
- 地址: 廣島縣廿日市市宮島町
- 交通方式: JR宮島口站步行3分鐘到宮島口桟橋，乘搭渡船約10分鐘抵達宮島
彌山嘅奇岩異石
彌山周圍有好多大大小小造型奇特嘅岩石，特別係喺山頂附近。彌山嘅地質以花崗岩為主，經過風化產生潛岩等嘅奇岩怪石。有啲岩石巨大無比，令人不禁讚嘆大自然嘅鬼斧神工。
彌山，廣島最佳秋天紅葉景點之一
彌山嘅森林為宮島最佳嘅秋季紅葉景觀之一。位於嚴島神社同彌山之間嘅係紅葉谷公園。11月中下旬，公園內充滿繽紛燦爛嘅秋葉，換上秋天嘅各種顏色，園內有大約700棵樹，包括各種日本楓樹，可以睇到紅色、金色嘅秋葉。
相關資訊
- 名稱: 紅葉谷公園
- 地址: 廣島縣廿日市市宮島町紅葉谷
- 交通方式: 從宮島棧橋步行至紅葉谷公園，約需20分鐘
彌山行山指南
如果熱愛登山健行，彌山有三條登山路徑。經由呢啲路線，可以欣賞宮島嘅自然景觀，以及沿途嘅歷史古蹟。每一條路徑都各有特色，可以依照個人喜好選擇。
今次小編要介紹彌山嘅三條登山路線俾大家：
紅葉谷路線
呢條係最短嘅一條路線，長約2.5公里，但係路徑嘅後半段非常斜，行走時要小心。呢條路徑喺秋天，楓樹樹葉轉紅嘅時候特別美麗。
大聖院路線
同其他兩條路線相比，呢條嘅坡度最平緩，總長3公里。健行途中會睇到瀧宮神社同白絲瀑布。
大元路線
呢條路線全長3.2公里，途中會穿過一個公園同一座森林：擁有百年杉樹嘅大元公園，彌山嘅第二大森林「駒林」。仲可以睇到好多獨特嘅岩層景觀。
乘搭彌山纜車眺望廣島
如果對自己嘅腳力無信心，可以選擇乘坐宮島纜車，縮短到達彌山山頂嘅所需時間。雖然到達彌山頂部嘅纜車終點站後，仍需要再爬一段路先至到到山頂，不過最終目的地嘅壯麗景色一定會令你覺得一切都值得。
上山乘搭纜車落山選擇步行都係一個好主意，反之亦然。咁樣既話就可以喺享受山頂景色嘅同時，體驗登山健行。
相關資訊
- 名稱: 宮島纜車紅葉谷站
- 地址: 廣島縣廿日市市宮島町紅葉谷
- 營業時間:
- 12月到2月: 09:00 - 16:30
- 3月到10月: 09:00 - 17:00
- 11月: 08:00 - 17:00
- 2月及7月，天候不佳或者係定期維護期間，纜車將暫停服務
- 費用: 成人: 單程1000円／來回1800円
- 交通方式:
- 從嚴島神社步行16分鐘
- 於紅葉谷公園入口乘搭免費接駁車約3分鐘
Comments