HAKUNA MATATA～
轉眼之間，時間已經嚟到2018年嘅最後一個月，意味許下新年新希望嘅時刻亦即將來臨，拎紅包、領BONUS嘅時刻亦將近，可以準備列出購物清單啦！然而迪士尼永遠都係女仔銀包嘅頭號敵人，就算係新嘅一年，仍然唔放過大家！
2019嚟到十二生肖中嘅豬年，迪士尼當中有好多小豬角色，可能好人最先聯想到嘅係小熊維尼身旁名叫PIGLET嘅小豬，不過估計因應即將推出嘅真人版《獅子王》今次選擇出品嘅係「疣豬彭彭」系列周邊，仲唔快啲跟住小編一齊嚟睇睇啦！
首先係彭彭本人出品咗一隻大公仔，純真嘅表情同無害嘅眼神正正就係佢嘅特色，如果夜晚可以攬住呢隻彭彭一定可以喺新年嗰陣招來美好嘅初夢，令2019年都可以過得平安順利～～
我哋熟悉嘅小熊維尼亦都著上咗疣豬裝，短短嘅獠牙唔單止唔得人驚，反而增添咗幾分趣味，而且小熊維尼款特別嘅地方係總共出品兩種毛款，一種係短毛，係比較紮實嘅布偶，另一款則係毛絨絨嘅軟萌版，可以依照自己嘅喜好入手～
毛絨絨軟萌版亦有出品PIGLET造型，疣豬包PIGLET睇落去就好似大餅包小餅咁！（唔係咯）不過唔知點解，呢一款並無獠牙XDD
EEYORE...睇落去好似係夾梗塞落套唔合身嘅布偶裝咁（笑）兩隻耳仔都彈咗出嚟啦，配上佢本來特有嘅憂鬱眼神，感覺變得更加可憐，好想好好錫返佢Q＿Q
小編先自首，一開始真係誤以為呢隻係曬黑咗（？）嘅小熊維尼，畢竟啱先出咗一系列雪白小熊維尼，如果再出小麥肌膚嘅小熊維尼亦唔奇怪吖！不過，最後發現佢係袋鼠小豆！原來小豆同小熊維尼生得咁似嘎...（汗）
source:ディズニーストア
© 妞新聞 www.niusnews.com
Comments