大阪同京都係World Masters Games 2021關西嘅舉辦場地，亦係充滿日本魅力嘅觀光景點嘅地方。而且，呢兩個地方地理位置又近，交通好方便！大阪嘅美食加埋京都嘅日式之美，雙重享受下，仲可以出身汗，嚟一場精采嘅體育比賽添喎！
「World Masters Games 2021關西」係？
「World Masters Games 2021關西」係一場只要年滿三十歲以上嘅運動愛好者都可以參加嘅國際綜合體育大型比賽。
嚟緊喺日本關西舉辦嘅係值得紀念嘅第10屆，而且仲係亞洲首次舉辦。嚟參加呢場大賽，欣賞日本各地嘅魅力，聽起嚟都唔錯呀。
關於比賽詳情請Click呢條link去官網睇詳情♪☞☞https://www.wmg2021.jp/en/
大阪、京都會場舉辦嘅比賽項目
喺大阪、京都會場舉辦嘅比賽項目如下：
大阪
- BMX單車
- 欖球
- 游泳（公開水域）
京都
- 軟式網球
- 手球
- 獨木舟（馬拉松式）
- 三項鐵人（兩項鐵人）
- 越野單車
- 門球
對邊啲比賽項目有興趣呢？除咗可以實際參加比賽之外，單純觀睇比賽都好ＯＫ呀！
前往大阪、京都嘅交通方式
大家知道，往返大阪、京都嘅交通比你想像中嘅便利嗎？
新幹線
搭「Kodama號」、「Hikari號」等新幹線，來往JR新大阪站同JR京都站只要15至30分鐘左右。
JR電車
如果搭JR電車，坐新快速列車，車程大約30分鐘可以往返JR大阪站同JR京都站之間。車費都比較平，非常推薦呀！
阪急電車
搭阪急電車，從阪急梅田站至河原町站，就可以抵達京都最熱鬧繁華嘅區域。車程約45分鐘，但中途想落車觀光或轉車，都好方便。
大阪豬排vs.京都豬排～你鍾意邊款？～
日本嘅「カツ（KATSU）」係能夠帶嚟勝利嘅食物!?
日本嘅豬排發音同日文嘅「勝つ（KATSU、勝利，獲勝）」相同，據說喺需要取得勝利之前食豬排，當係攞個象徵獲得勝利嘅好彩頭。就去比賽會場嘅大阪同京都嘅豬排店大啃豬排，簡直係勝利在望啊！呢次就介紹一下兩間店，一間係活力豪邁嘅大阪豬排丼、另一間係京都經典豬排，大家比較鍾意邊一間呢？
喺大阪嘅「喝鈍」大大啖食豪邁嘅豬排丼，即刻力量爆表！
大阪「喝鈍」（發音：かつどん、katsudon）嘅豬排又厚又大塊，再加上存在感十足嘅雞蛋，份量相當豪邁，堪稱極品！嚟到大阪，呢間嘅豬排丼絕對係必食之選！芝士同同豬排醬汁搭配得好完美，濃郁豐富嘅味道非常好食。仲有好多種口味，可以自己揀鍾意嘅口味，真係正呀。
喺京都「Katsukura」細味品嘗精緻日式和風嘅豬排啦
京都嘅「Katsukura」對麵粉同油炸都好講究，而炸出來嘅豬排，外皮酥脆，肉質鮮嫩鬆軟，係呢間店嘅生招牌！店家特製嘅豬排醬係加咗水果同酸辣醬，呈現有層次感嘅味道，更凸顯豬肉嘅香甜。
向象徵勝利好運嘅不倒翁祈願，指望獲勝
不倒翁點推都唔跌！戰勝自己嘅秘訣就係努力不懈嘅精神
無論點推都會企返起身嘅不倒翁，象徵不屈不饒嘅精神，無論經過幾多次失敗、跌咗幾多次，都會重新振作、再企返起身。
喺應頂山勝尾寺遇見勝利嘅不倒翁
勝尾寺從日本平安時期就有好多人為咗祈求勝利而前往參拜。藉著同不倒翁嘅相遇，再次加強自己只許勝不許敗嘅決心。並排嘅紅色不倒翁，都會為你今後嘅比賽應援加油㗎！
去到勝尾寺，無論係祈求勝利又好，見到滿滿嘅不倒翁，影返張相紀念吓都唔錯喎。勝尾寺啱啱好位於大阪同京都之間，係超好嘅「求勝」景點，一定要去拜訪一下啦！
今次文章中所介紹嘅觀光景點可以睇呢度！
更多詳細資訊同交通方式，請Click以下Link。
Comments