兵庫縣嘅神戶市，曾因過去發生大地震而遭受嚴重破壞。1995年1月17日，發生7.3級阪神大地震，造成好多傷亡以及建築物倒塌。地震發生後，神戶經過重建，成為充滿活力嘅城市，重現美麗嘅景觀。透過參觀「阪神地震紀念館」及「神戶港震災紀念公園」，可以了解呢一場災難，並思考防災嘅重要性。
可以感受大自然威力嘅阪神地震紀念館
阪神地震紀念館係「阪神・淡路大震災紀念人與防災未來中心」嘅一部分，於2002年啟用，以紀念呢場悲慘嘅災難，介紹咗關於地震同防災嘅知識。可以喺大型螢幕上睇到地震嘅破壞性，令人身歷其境。仲展示咗神戶重建過程嘅紀錄片。
景點資訊
- 名稱: 阪神・淡路大震災紀念人與防災未來中心
- 地址: 神戶市中央區脇浜海岸通1-5-2
如何前往阪神地震紀念館
從阪神本線嘅岩屋站步行約10分鐘，或從JR神戶線嘅灘車站步行15分鐘。
另一個必去嘅景點：神戶港震災紀念公園
神戶港震災紀念公園位於神戶港塔附近，終年免費開放。將1995年阪神大地震中，受損嘅美利堅碼頭之一部分(碼頭岸壁約60m)，按照原貌保存落嚟。透過參觀實際嘅地震災害遺址，親身了解當時地震嘅威力。此外，仲透過模型、影像、相同其他記錄資料，展示神戶港損壞嘅情況同重建過程。睇到地震帶來嘅破壞，深深感覺到大自然力量嘅可怕。呢個紀念公園就係俾我哋思考地震所帶來嘅威脅，以及做好防災準備嘅重要性。
景點資訊
名稱: 神戶港震災紀念公園
- 地址: 兵庫縣神戶市中央區波止場町2-2
如何前往神戶港震災紀念公園呢？
神戶港震災紀念公園保留咗阪神大地震部分遺跡，提醒大家唔好忘記地震災害嘅可怕，以及防災準備嘅重要性。作為一個提醒年輕一代從呢場災難中汲取教訓嘅地方，神戶港震災紀念公園終年免費開放參觀。從JR元町站(阪神本線)步行15分鐘即可到達。另外，亦靠近神戶海洋博物館。
神戶港震災紀念公園附近景點
同樣位於美利堅公園內，神戶港震災紀念公園附近有一座神戶海洋博物館，展出豐富多樣嘅船舶模型同收藏品，介紹神戶港從開港至今嘅歷史。除此之外，館內仲設有「川崎世界」博物館，助你了解喺19世紀神戶創業、擁有一世紀以上歷史嘅川崎重工業集團。川崎重工業製造嘅產品跨越陸地、海洋與天空，從船舶、火車、飛機到電單車都有。參觀完神戶港震災紀念公園後，可以順便一遊呢啲附近嘅熱門景點。
Comments