大家知唔知道「中川政七商店」呢？呢個品牌所推出嘅生活雜貨品項種類豐富，佢哋嘅願景係「活躍日本工藝」。販賣嘅商品除咗造成人氣話題嘅生活雜貨以外，仲有日本各地自古傳承而來嘅工藝品。東京都、大阪、福岡等各地均有展店。
「大日本市集」—集合日本各地工藝品
而呢間「中川政七商店」會舉辦咗「大日本市集」。來自日本各地46間工藝品廠商齊聚一堂喺東京天王洲Isle嘅寺田倉庫，展出好多專業職人同各創作者精心講究嘅日本珍品，種類齊全！不如我地一齊嚟重溫過往展覽中嘅盛況，睇吓眾多工藝品廠商當中，有咩與別不同嘅精品。今次等我地介紹嚟自石川縣嘅「九谷燒」同大阪堺市染織品所加工製作嘅商品！
日本傳統工藝「九谷燒」貼近生活！KUTANI SEAL（石川）
「YÜ by KUTANI SEAL」系列
花紋餐盤/花朵（右）、樹葉（左）各款2200日圓（未計稅）。餐盤直徑12cm
筷子擺喺上面，彷彿有隻雀仔停駐喺筷子上面嘅「小鳥筷子架」。３個裝，2100日圓（未計稅）
色彩鮮艷嘅金剛鸚鵡（照片右上）、金絲雀（照片右下）、紅角鴞（左上）等繪製各種鳥類嘅髮圈1400日圓（未計稅）
趣怪貓筷子架 一組5個3400日圓（未計稅）
右上開始順時針介紹，趣怪貓餐盤M啡色虎斑貓2800日圓、趣怪貓方形小盤虎斑貓 1400日圓、趣怪貓碗-玩狗尾草嘅貓3200日圓、趣怪貓長碟-白貓3300日圓（均未計稅）
日本北陸地區嘅石川縣南部所生產嘅窯燒九谷燒。用黑色線條描繪，運用「紅、黃、綠、紫、深藍」五種色彩，喺器皿塗上厚厚一層彩繪所製造嘅高級餐具廣為知名。本來每件作品都係職人親手一筆一筆描繪，但為咗量產，有一種轉印技術，可以將印刷嘅圖案好似貼紙咁貼喺器皿之上。
傳統九谷燒 發展得可愛而平易近人
今次介紹嘅KUTAN SEAL為咗令更多人可以親近九谷燒，令大家對佢嘅存在唔再覺得遙不可及，運用咗轉印技術，販賣九谷燒相關商品。
2018年11月發售嘅黑色小熊為主題圖案嘅系列，一件件都繪製咗繪本嘅場景。集齊全部嘅話，就會變成一個完整嘅故事。系列作品有圓形餐盤，兩款為12cm 2200日圓、22cm 5000日圓，同蕎麥麵豬口杯2300日圓、以及胸針1300日圓。（均未稅）。
另外仲有，筷子擺喺上面，彷彿有隻雀仔停駐喺筷子上面嘅「小鳥筷子架」。玩緊逗貓棒嘅小貓圖案「趣怪貓」系列等，不經意帶俾使用者驚喜，充滿淘氣玩心嘅商品應有盡有！無論係買嚟自用，當作日本旅行嘅紀念品送俾朋友都非常適合。
主要販售地點（2018年9月資訊）
直營店 KUTANI SEAL SHOP（八百萬本舖）
- 店名：KUTANI SEAL SHOP（八百萬本舖）
- 地址：〒920－0902 石川縣金澤市尾張町2-14-20
- 營業時間：10:00～19:00
- 休息日：星期三
- 交通方式：JR金澤站徒步約20分鐘
中川政七商店 東京本店
- 店名：中川政七商店 東京本店
- 地址：〒100-0005 東京都千代田區丸之內2-7-2 KITTE 4F
- 營業時間：星期一～星期六：11:00～21:00／星期日、紅日：11:00～20:00
- 休息日：全年無休
- 交通方式：JR東京站丸之內南口徒步約1分鐘
其它有售賣點仲包括有澀谷LOFT、有樂町LOFT、中川政七商店 LUCUA大阪店、梅田LOFT 等等。
每條呈現嘅感覺大不同！傳統工法「注染」製成嘅「日式手巾」／From NIJIYURA（大阪）
「甚平小手巾 正月新年款」1600日圓（未計稅）
「手巾 聖誕夜」（照片右側）、「等不及嘅聖誕節」（照片左側）。均1600日圓（未計稅）
「手巾 Carp is dragon in heaven」1600日圓（未計稅）
「手巾花束 tenugui bouquet」1800日圓（未計稅），攤開就係聖誕樹圖案。
除咗聖誕樹款，有繡球花、向日葵、仲有含羞草等等。
每件都獨一無二嘅「注染」
明治時期源自於大阪堺市所發明嘅染織工法「注染」。將約20m長嘅布料折疊後，唔需要染色嘅部分用染料無法滲透嘅漿糊製作隔線之後，再將染料倒入需要染上色彩嘅空白處。本來，染織需一條一條咁慢慢染，而注染則可以一次過染好大約25條手巾，係佢嘅特色。
最大嘅魅力係，每條所呈現嘅感覺都唔同。染織嘅特性同整齊劃一嘅印刷好唔同，因為染料嘅滲透，製作出嘅成品都獨一無二，呈現獨特柔軟嘅質地。職人純手工製作先至可以呈現嘅手巾質感。
木棉平織嘅「日式手巾」主要用嚟擦拭雙手同臉部。由於材質輕薄，不佔多餘嘅空間，掂到水好快就乾，據說係江戶時期嘅生活必需品。而用途唔單只係「擦拭」，仲可以拿嚟當作午餐墊、掛軸、絲巾同頭巾等等，用途多采多姿。
傳統染織工法配合新穎設計
注染工法所製作嘅手巾傳至現在，「NIJIYURA」以動物、植物、樂器等主題，販售注染手巾，令更多人知道注染染織嘅美好。眾多商品當中，推薦嘅款式係「甚平小手巾 正月新年款」。描繪咗富士山，摺疊成甚平形狀。其它仲有，以深綠為底，圖案描繪咗聖誕樹同閃亮星星嘅「手巾 聖誕夜」，以及鯉魚圖案活生活現，彷彿躍出布面嘅「手巾 Carp is dragon in heaven」等等，無論邊種款式都富有個性，簡直好似喺度欣賞畫展作品一樣。手巾尺寸寬約37cm、長約90cm，材質係百分之百嘅棉。另外仲販售掛軸用嘅木棒900日圓（未稅）。
其它仲為咗嗰D想送鮮花但送唔到嘅人構思設計咗一款「手巾花束 tenugui bouquet」，將手巾折成花束狀，攤開之後，手巾上繪製咗花朵嘅圖案。係一款充滿驚喜嘅珍品。其它仲推出咗好多扇、書套同胸針等等雜貨商品。
無論係日式手巾或者係日式雜貨，都輕盈小巧，收納喺行李箱幾乎唔會佔空間，非常適合買嚟送禮。
銷售地點（2018年9月資料）
染織工坊 NIJIYURA
- 店名：染織工坊 NIJIYURA
- 地址：〒110-0005 東京都台東區上野5-9-18 2k540 AKI-OKA ARTISAN O-2
- 營業時間：11：00～19:00
- 休息日：星期三
- 交通方式：JR御徒町站徒步約5分鐘
LUCUA大阪店
- 店名：NIJIYURA LUCUA大阪店
- 地址：〒530-8217 大阪府大阪市北區梅田3-1-3 LUCUA 9F
- 營業時間：10：00～21:00
- 休息日：以LUCUA休息日為準
- 交通方式：JR大阪站直通
大阪中崎町本店
- 店名：大阪中崎町本店
- 地址：〒530-0015 大阪府大阪市北區中崎西4-1-7 Green City 1F 104
- 營業時間：11:00～19:00
- 休息日：星期四
- 交通方式：阪急梅田站徒步約10分鐘
Comments