100円店商品種類豐富,淨係蛋嘅小道具都成幾排。一箭雙鵰你聽得多,「一器三切」雞蛋器你聽過未?幫水煮蛋搞搞新意思,今次要介紹嘅係無刀片嘅「花式三切」雞蛋器!
一刀兩斷，切出完美無瑕嘅剖面
簡單!落手切得完全不花力氣~(雖然個蛋黃切完出現波浪紋,但比係用刀切圓碌碌嘅烚蛋安全+方便得多!)
花花狀型(左邊)，片狀型(右邊)。
小編面對烚蛋,最最最糾結位係剝殼!!!所以用咗以下嘅懶人恩物!! 「剝雞神器」
100円必買之「剝雞神器」(剝得勁乾淨吖!)
入面含有磁石，唔用嗰陣貼喺雪櫃都幾得意。
轉一轉圓圈嘅部分就可以解鎖，將雞蛋擺喺上面一噤，內置嘅針就會喺雞蛋底部篤個窿。就可以同雞蛋殼講BYE BYE？！
SORRY…我屋企隻為食貓係咁行近隻雞度！唔係俾你食㗎…?百厭貓搞一搞,筆者影唔切剝殼演變吖!(真係篤個窿,就可以勁簡單同蛋殼講BYEBYE)
輕輕鬆鬆~就係咁成功剝走咗蛋殼啦ー♪去切花花蛋啦~GOGOGO~~只需要輕輕用力一壓~
登登！花花蛋就成功整咗出嚟啦。
P.S.雞蛋煮得硬D就易成花花形多D，大家都快D嚟試吓啦。
Comments