日本未嚟到聖誕，各甜品廠家同甜品店都會面向聖誕節販賣充滿節日氣息嘅蛋糕。海綿蛋糕上面凈係裝飾草莓同奶油就太普通啦。而家推出咗各式各樣以角色人物作為主題嘅和式基底蛋糕。
其中喺東京站站內店鋪「GranSta」同閘口出面嘅「GranSta丸之內」各店都有販賣。聖誕節期間限定販賣嘅聖誕節蛋糕真係樣樣都好出色！每一年都成為咗熱門話題，甚至一賣就切。即使聖誕節嚟唔到日本，凈係睇都覺得好幸福！以下落嚟就要為大家介紹喺日本造成話題嘅聖誕節蛋糕俾大家！
SNS拍照熱門！年年大hit！裝飾咗Suica嘅「Caffarel with Suica」
店鋪名稱：Caffarel
價錢：2808日圓（限定250個）
Suica係由JR東日本開發嘅交通卡，嚟東京觀光嗰陣「有一張就比較方便」相信大家聽得唔少。而呢張Suica卡而家就現身喺朱古力蛋糕上面！當然呢張Suica卡唔係真嘅，係由杏仁膏（粉末狀嘅杏仁，砂糖，將蛋白揉碎成糊狀）製作而成所以食得。基底係朱古力海綿蛋糕，覆盆子果醬同慕斯朱古力餅底。係每年兩日以內就預約完畢售罄嘅超人氣蛋糕。
可愛嘅企鵝！「Suica企鵝 Architexture」
店鋪名稱：Dalloyau
價錢：5400日圓（限定100個）
法國老牌食品公司「Dalloyau」販賣嘅Suica吉祥物「企鵝」為主題嘅蛋糕。基底係由「薰豆」所製成，將慕斯朱古力巧克力包裹，其味道類似焦糖同雲呢拿清香。蛋糕表面覆蓋溶化咗嘅朱古力，外觀非常別緻。
以東京站作為模型「GranSta 東京駅舎ノエル」
店鋪名稱：Colombin
價錢：5400日圓（限定150個）
1924年創業嘅法國甜品廠商「Colombin」。唔單止喺GranSta，喺原宿同新宿等等地方都設有café。而Colombin所販賣嘅係印有東京站圖案，加入法式小酥餅嘅蛋糕。頂部擺放草莓，奇異果，梨，杏子，黑莓，5種奢華水果。基底嘅海綿蛋糕由杏仁霜所製成，夾入糕點奶油，牛油忌廉，風味十足。
東京站限定！手製紙杯蛋糕「聖誕節BOX 9個裝」
店鋪名稱：Fairycake Fair
價錢：4240日圓
打扮成聖誕老人嘅熊仔，刺猬，熊貓，馴鹿，聖誕樹等等9種款式紙杯蛋糕套裝。「Fairycake Fair」得東京站先有，紙杯蛋糕一個個精心手製而成。唔洗切開分俾大家1人食1個啱啱好大細。
精巧裝飾值得一睇！「聖誕之夜嘅朱古力屋」
店鋪名稱：Ginnobudo
價錢：1512日圓
以得意迷人嘅「充滿聖誕節氣氛嘅屋企」為主題。由朱古力慕斯＆脆片朱古力，朱古力海綿，朱古力慕斯所製成。隱藏咗脆皮朱古力嘅輕型口感。附喺門上嘅黃色星型門把，玄關嘅名牌同前面嘅聖誕樹等等，非常細緻講究。
グランスタ（GRANSTA）為？
聯繫八重洲方向同丸之內方向嘅東京站閘口內嘅商業設施。店內廚房所調製嘅便當，家常菜，甜品等等，集合咗大約90間店鋪，完全諗唔到喺車站入面有咁多間店鋪咁充實。
――――――――――――――――――
■店鋪名稱
グランスタ（GRANSTA）
■地址
〒100-0005 東京都千代田区丸之内1-9-1 JR東日本東京站站內B1・1F（閘口內）
■營業時間
8:00～22:00 （星期日、連休最終日嘅祝日為~21：00）※一部分商店有所差異
■休息日
全年無休
――――――――――――――――――
グランスタ丸の内（GRANSTA MARUNOUCHI）係乜？
東京站丸之内閘口外、有售賣襪、化妝品等等雜貨店、仲包含餐廳、café等等。喺等待新幹線嘅時候購物或者係喺度休息一陣都好方便！
――――――――――――――――――
■店鋪名稱
グランスタ丸の内（GRANSTA MARUNOUCHI）
■地址
〒100-0005 東京都千代田区丸之内1-9-1 JR東日本東京站站内B1（閘口外）
■営業時間
10:00～22:00 （星期日、連休最終日嘅紅日為~21：00）※一部分商店有所差異
■休息日
全年無休
――――――――――――――――――
Comments