SEIKO WATCH Corp精工錶旗下嘅休閒手錶品牌「ALBA」同吉卜力聯手合作設計嘅吉卜力作品系列錶款閃亮登場，非常適合成熟女性，沉穩又不失可愛。
＜ALBA＞「龍貓」系列錶款
ACCK412 ACCK413 （下方第一張照片左側、右側）
ACCK414 ACCK415 （下方第二張照片左側、右側）
售價9,000円（未稅）
錶盤下方以溫柔筆觸所繪製嘅龍貓，俾人強烈嘅印象（最上方照片）。ALBA推出龍貓系列錶款，其中一款錶盤整體繪製咗小小龍貓，仲有幾朵小花點綴（中間照片），無論係邊一款嘅設計都時尚優雅，整體呈現恰當程度嘅可愛，唔會話過份甜美，適合成熟女性配戴。錶帶顏色有淺啡色、深藍色、米色同啡黃色，共四色。而錶盤則係純白、深藍白、奶油色等三色。鐘意可愛款、鐘意雅致款，可依個人喜好類型配搭。呢款最大特色係喺手錶錶底蓋同錶袋內側，都繪製咗小小龍貓（最下方照片）。戴上呢系列錶款，不經意展現俾朋友睇，一定可以成為討論話題。
＜ALBA＞「龍貓」電影上映30週年紀念限定錶款
ACCK705 ACCK706 （左、右）
售價15,000円（未稅）
呢個係為咗紀念「龍貓」電影上映30週年所推出嘅限定錶款，限量發售各1000隻。錶盤下方嘅立體花田之中有一隻龍貓手拎住四葉草露出個頭，而錶盤設計方面，有隻煤炭屎鬼飄喺三點鐘地方。錶帶內側繪製咗幾朵小花，手錶底蓋刻上咗30th Anniversary紀念文字以及手錶序號，係好值得收藏嘅特別錶款。
＜ALBA＞「魔女宅急便」系列錶款
ACCK416 ACCK417（左、右）
ACCK418 ACCK419（左、右）
售價9,000円（未稅）
而呢個就係吉卜力人氣作品「魔女宅急便」嘅系列錶款。插畫風嘅黑貓吉吉，令成個錶款呈現雅致時尚嘅風格，適合成熟大人，帶俾人恰到好處嘅甜美感。錶帶內側繪製咗黑貓吉吉、鳥籠、老狗傑夫嘅圖案，而錶帶外側壓印咗吉吉嘅小小蝴蝶結。此系列錶款嘅錶帶一共四種顏色，分別係深啡色、深藍色、啡色、淡粉紅，而錶面則係粉紅色、深藍色、奶油色、純白一共四種顏色。
ALBA同吉卜力聯名推出嘅系列錶款，忠實呈現吉卜力嘅世界觀。無論係錶帶或者係錶盤，甚至係底蓋，每個細節都可以感受到精心設計嘅驚喜，為成熟女性實現「就算大個咗，都想沉浸喺吉卜力世界」嘅心願。嚟日本遊玩嗰陣，不妨買返一隻當紀念啦。
Comments