呢個APMG 2018檳城嘅比賽對我嚟講係一個新體驗! 當時越接近比賽我就越興奮! 仲有呀! 真係好難得可以有機會同到咁多來自唔同國家嘅選手切磋交流㗎! 例如有澳洲, 印度, 日本, 仲有當地選手等等。
比賽大會嘅安排同舉辦嘅地理位置都好好。
我哋參加嘅羽毛球比賽嘅安排做得非常好呀。比賽場地係喺馬來西亞羽球協會嘅BUKIT DUMBAR, 位於檳島, 過咗檳城大橋就好快到, 交通非常方便快捷, 而且仲唔會有咁易塞車嘅煩惱添。
盡我所能, 全部人都出盡全力應賽
喺比賽期間, 我同拍檔Liw都打得好開心! 我哋參加嘅係業餘分齡比賽中, 男子40歲以上Group A嘅組別。Group A有4隊選手, Group B都有4隊。喺呢個組別無國外選手。我哋贏咗兩局, 但輸咗一局俾Kuan-Zulkifli隊。我哋盡唒力去打波㗎! 但係好可惜我哋進昇唔到去準決賽呀。雖然我哋參與嘅只係業餘比賽組別, 但睇得出所有選手都係出盡全力應賽! 不過無論賽果係點都好啦, 真係好榮幸有機會可以參與到APMG2018檳城呢個比賽, 同埋好難忘呢! 真係好彩有參加到呢個比賽呀!
我想參加下一個喺日本舉辦嘅World Master Games呀!
日本係一個歷史文化好有獨特魅力嘅國家。嚟緊嘅World Masters Games 2021關西係一個近年來都備受矚目嘅比賽! 我都好想參加呀!
為咗幫手宣傳下一個喺關西舉辦嘅World Master Games, 喺比賽期間仲派發咗小禮物俾參賽選手同觀眾添。
「年齡」唔係一個藉口俾你唔做運動
喺羽毛球比賽期間, 我識到個77歲嘅澳洲選手。當我派小禮物俾佢時, 佢話如果佢仲打到波, 佢一定會再參加World Master Games喎! 👍😬 不過就算佢2021年時打唔到波, 佢都一定會喺嗰度, 那怕是做義工或者作為觀眾去支持佢嘅隊友。真係聽佢講完我都熱血起嚟呀!
活著真好!
更多「World Masters Games2021關西」嘅資訊，請睇呢邊 👉👉👉 https://www.wmg2021.jp/en/
Comments