榮獲大眾喜愛嘅百圓商店！推出種類豐富多樣嘅廚房用品，鐘意做菜嘅人，做菜比較隨興嘅人，一定會遇見滿意嘅料理小幫手。今次為大家介紹嘅喺以下呢個。「批好嘅皮唔會整到周圍都係！回收設計嘅批皮器（Easy Peeler with case, Guard Peeler Easy to clean）。」到底同以往推出嘅批皮器有D乜唔同呢？就係咁，就等我哋嚟睇睇啦。
呢款批皮器嘅特色係？
設計咗一個透明盒仔。批好嘅皮就唔會到處亂飛、整亂曬，一批好就被回收喺盒仔入面，非常優質嘅商品。等唔切想試一試！
首先，我哋準備咗紅蘿蔔。如同以往，用批皮器批，跟住．．．
登登♪你睇睇、你睇睇、批得乾乾淨淨〜。打開背面嘅透明盒一睇
如照片所示，批好嘅紅蘿蔔皮都完完整整咁收納喺透明盒入面，輕輕鬆鬆就可以丟到垃圾桶，超方便！批完皮唔洗再去執跌得周圍都係嘅皮，節省好多時間。係快速料理一餐嗰陣嘅優秀好幫手。
等我哋試多幾種啦！
個盒其實都唔係好大，每批完一條紅蘿蔔就倒一次，可能比較好．．．。咁即係一次到底可以容納幾條紅蘿蔔嘅皮呢？實驗結果出爐，大約2條同樣尺寸嘅紅蘿蔔。
用嚟批好似紅蘿蔔呢種長條狀嘅蔬菜啱啱好，但如果係薯仔或蘋果呢類圓滾滾形狀嘅，由於批出嚟嘅皮比較短，就似乎唔係太好用．．．。
但係，考慮到縮短料理時間，提升效率，100日圓就有咁嘅功能，非常值得！
順帶一提，結果批好皮嘅紅蘿蔔都俾我拿咗嚟榨紅蘿蔔汁！
Comments