美少女戰士係8, 90後嘅集體回憶, 甚至到最近仍然好受歡迎, USJ又有美少女戰士event, 仲有好多周邊商品, 睇嚟美少女戰士果然真係魅力沒法擋耶!
而喺尖沙咀THE ONE嘅DIM SUM ICON (点心代表)都同美少女戰士推出咗crossover點心系列添！
DIM SUM ICON自開業以嚟一直都收到唔少客人問會唔會推出美少女戰士點心。等到頸都長, 呢個萬眾期待嘅系列終於登場啦！呢次推出嘅crossover系列唔單只有五位美少女戰士嘅專屬點心，亦同時為其他角色設計咗多款美食，包括豆釘兔、天王星、海王星、冥王星，仲有黑貓露娜同白貓阿提密斯等重要角色。
如果想要一次過要唒五個美少女戰士合體，可以order有唒五個戰士形象嘅「美少女戰士五色鮮蝦餃」（味道：黃色-XO醬、藍色-黑松露、粉紅色-原味、紅色-麻辣）, 印有代表符號嘅「美少女戰士原粒帯子燒賣」, 同埋直接印人物嘅「美少女戰士鮮蝦帶子餃」可以揀㗎! 集齊唒五個加上咁鮮豔嘅顏色, 華麗感爆唒棚呀！\
就算係美少女戰士嘅fans都總會特別鍾情某一個嘅, 放心! 除咗五個靚女合體嘅點心之外，每個角色都有自己專屬嘅餐點，就好似有「水星香炸白菜餃」、「金星粟米花枝球」、「木星菠菜麵雞扎」、「火星麻辣小籠包」，仲有撒滿玫瑰花瓣嘅「禮服幪面俠紅棗糕」、「禮服幪面俠玫瑰蒸包」等等比你影好多好多相up上facebook或者instagram呀! (心心眼)
而小編就最鍾意「露娜＆阿提密斯流沙包」、「豆釘兔馬拉卷」同「冥王星＆土星紫芋流沙包」喇!全部上面都印咗角色圖案。媽呀! 我真係好唔捨得食啊！
仲有「Sailor Moon雜菌蒸粉包」、「美少女戰士鮮蝦腸粉」! 但係一切落去會搞到佢哋毀容我就落唔到手喇！(喊出嚟!)
如果各位fans唔捨得落手，其實都有「粉色月光稜鏡變身盒煎蛋糯米雞」、「月光心鑽變身器流心西多士」呢啲無美女個樣嘅造型點心可以揀㗎! 我諗每個美女們細個時都夢想自己有個變身盒啦係咪? 雖然食完呢個變身之後嘅唔係美少女戰士…… 哈哈
而組合形式嘅就有以蝴蝶結圖案呈現嘅「天王星＆海王星脆皮蛋撻」，隔離嘅係以日本雞蛋白加入椰皇椰水同北海道3.6牛乳製成嘅「露娜小丸子椰皇」、「阿提密斯原味椰皇」，呢啲都要趁熱食啊！
另外，DIM SUM ICON仲首次推出咗外賣流沙包，限量組合為五個美少女戰士流沙包，裝喺專人設計嘅精美燙金紙盒，內附埋教學卡片，等fans安坐家中都可以隨時品嚐到餐廳嘅招牌流沙包。DIM SUM ICON亦會喺指定日期輪流免費贈送每個主角嘅周邊產品，想拎到鍾意角色嘅就要留意住指定日期喇!
店舖資訊
DIM SUM ICON 尖沙咀店
營業時間：11:00-23:00
地址：香港尖沙咀彌敦道100號（尖沙店The ONE 3樓L308號店）
source: DIM SUM ICON提供
© 妞新聞 www.niusnews.com
Comments