「太鼓表演」＝「悶」＋「無興趣」？又或者閃過「吓？咁古典&音樂呢家嘢唔啱我」等對白。「萬華響—MANGEKYO」「太鼓表演」絕對會顛覆你對「太鼓表演」嘅傳統印象。
FUN!JAPAN筆者丸仔為你整理日本新宿之旅超級懶人包!
日本新體驗必去「萬華響—MANGEKYO」
無論係櫻吹雪，自然山林瀑布，飄雪等日本旅行必看美景，「萬華響」燈光投影技術非凡地立體且會飄移轉動＋音樂嘅配合，令人猶如置身於其景之中。(令小編諗起之前有日本節目為悼念鄧麗君而作嘅真人投影)
完全無拖拉位演出嘅70分鐘每一秒鐘都非常緊湊，唔單止係樂器上精彩交替演出(太鼓・竹木琴・篠笛・鑼・日本箏)出演者配合唔同劇情・表情・舞蹈時而優美攝人時而動魄驚心。絕對唔會搵到廁所，睇之前記得去咗先入場啦。
「萬華響」舞台畫面及投影構圖之美，如幻如真,令人眼睛無法去別處旅行。
原來背後靈魂人物實力亦驚人！
舞台設計師曾於倫敦留學，而且更被OISTATE選出“世界上最有榮譽的舞臺設計師12人”。而服裝設計師早於1978年已經參加巴黎時裝展。更係北京、NY、越南、波蘭、米蘭等世界各地舉辦過FASHION SHOW。
加上藝術團體TeamLab(成員超過400位各式各樣人材)利用科技再經過電腦運算處理，令影像立體重現好似真嘅一樣。
巡迴公演超過24個國家、500個都市，亦曾於紐約百老匯舉辦嘅每場演出都座無虛席。
美國《Newsweek》新聞周刊都俾LIKE讚賞「萬華響」將日本表演藝術推向全世界。
大會都好貼心係原本禁止攝影嘅情況下，係ENCORE位俾大家任影任錄MOVIE，仲會有英・日對照謝幕說辭(聽到大隻型男講好可愛嘅日式英文，KAWAII！)
到時記得準備好手機・相機留低精彩片段盡情打卡分享啦！(睇住小編影嘅片段先啦)
台上一分鐘台下十年功，呢70分鐘精彩度，已經去到無法評估嘅程度(至少小編用幾個十年都做唔到)。記得預先預約訂定飛啦。
- 公演日期：2018年10月4日～11月20日
- 路線資訊：ルミネゼロ（新宿）
- 地址：東京都澀谷區千駄谷 5丁目24番55號 NEWoMan Shinjuku 5F(新宿南口改札出，過馬路去對面左轉沿巴士總站パスタ直行(注意沿路上會出意指示牌寫往ルミネゼロ)
- 票價:◎SS席・輪椅席：9,500円／S席：8,500円／A席：7,500円（含税）◎套票：85,000円（含税）＜11張S席門票兌換券※比原價多送一張＞
欣賞完精彩嘅「萬華響」,KEEP住藝術的心與氣氛,去尋找新宿必去打卡位吧!
新宿必去打卡位-日劇中老是常出現人氣打卡位LOVE
唔少日劇都有出現過花呢個必去打卡位-LOVE ,例如「電車男」「GTO」「理想の結婚」等等,仲唔快D打卡去!
- 路線資訊：西新宿丸の內線西新宿站C10出口
新宿必去!!免費夜景展望台!日本旅遊留倩影迷人靚景任你睇
東京都廳展望室
離地202公尺嘅都廳展望室，近距離欣賞到閃著霓虹燈光下嘅東京街景。唔單止係免費，而且位於交通便利嘅新宿都心，唔少人購物或用餐後，都會去呢邊欣賞夜景，絕對係你日本旅行必去嘅其中一熱點!
- 路線資訊：東京都新宿區西新宿2-8-1 東京都廳第一本廳舍
Comments