冬天前往登別旅遊並投宿，係一個非常好嘅主意，寒冷嘅登別以擁有北海道最好嘅溫泉度假勝地而聞名，寒冷嘅氣溫之下浸喺熱騰騰嘅溫泉，係冬天嘅最佳方式之一。就等我哋嚟睇睇登別旅遊仲可以玩啲咩啦！
冬天嘅登別可以玩睇咩呢
以天然溫泉聞名，登別係溫泉名所之一，有登別溫泉鄉之稱，距離登別市約6公里。佢嘅溫泉水源自著名嘅地獄谷，一個由附近嘅火山活動所遺留落嚟嘅火山口，令登別溫泉成為一個特別有趣嘅小鎮，有唔同類型嘅溫泉水，具有治療功效， 係溫泉愛好者嘅聖地。
冬季嚟到呢個地區，一定要體驗天然溫泉水，並喺登別溫泉鄉嘅眾多溫泉旅館中度過一夜。如果唔想過夜都得，有啲旅館開放溫泉浴池俾大眾，收費由420円至2000円左右。
如果想深入探索呢個地區，可以參考以下喺登別溫泉鄉附近嘅觀光景點。
登別熊牧場
可以近距離觀察該地區嘅熊，並有機會喺特別嘅地方餵佢哋。 喺乘坐纜車到達熊公園嘅途中，可以俯瞰登別溫泉鄉景觀。
門票：成人2592円
景點資訊
- 名稱: 登別熊牧場
- 地址: 北海道登別市登別温泉町224番地
- 交通方式: 從JR登別站轉搭前往「登別溫泉」嘅道南巴士約15分鐘，喺登別溫泉巴士總站落車，再徒步5分鐘，轉搭空中纜車約7分鐘，於終點落車即抵達。
登別伊達時代村
嚟到呢個主題文化公園彷彿返回江戶時代。園區內有各種景點，仲可以體驗各種活動、遊戲，參觀劇院或表現出江戶時代傳統價值嘅街頭表演，仲可以尋找忍者、花魁嘅身影。
門票：成人2900円
景點資訊
- 名稱: 登別伊達時代村
- 地址: 北海道登別市中登別町53-1
- 交通方式: JR登別站轉搭前往「登別溫泉」嘅道南巴士約10分鐘，喺「登別伊達時代村」站落車即抵達
登別尼克斯海洋公園
登別尼克斯海洋公園位於登別市，鄰近車站，係一個可以睇到各種海洋生物嘅水族館。可以觀看並欣賞呢啲可愛嘅海洋動物表演同遊行。
門票：成人2450円
景點資訊
- 名稱: 登別尼克斯海洋公園
- 地址: 北海道登別市登別東町1丁目22
- 交通方式:
- 從登別溫泉出發：乘搭往室蘭或往登別站嘅巴士，車程約20分鐘，於登別站前落車，從JR登別站步行約5分鐘即達。
- 可利用登別溫泉至登別尼克斯海洋公園嘅免費接駁巴士。
冬季嘅登別地獄谷
喺呢度享受冬季旅遊嘅時候，可以花時間遊覽著名嘅地獄谷，距離登別溫泉鄉唔遠。欣賞充滿沸騰硫酸溫泉嘅火山口遺跡景觀，蒸氣從多個溫泉口噴湧而出。呢啲溫泉水係登別溫泉嘅主要來源。喺冬季，一部分嘅步道會關閉。
景點資訊
- 名稱: 地獄谷
- 地址: 北海道登別市登別温泉町
- 交通方式: 從JR登別站嘅巴士停留所(N1)乘搭前往登別溫泉方向嘅巴士，車程約２０分鐘，喺登別溫泉巴士總站落車，再步行9分鐘前往地獄谷。
冬季特別祭典「登別溫泉湯祭」
「登別溫泉湯祭」同冬季北海道嘅其他慶典唔同。北海道嘅冬季祭典通常會穿著保暖衣物玩雪，但喺「登別溫泉湯祭」則係享受暖笠笠嘅溫泉。呢個係一個對溫泉表達感恩嘅節日，並且祈求繁榮，希望泉水源源不絕。
景點資訊
- 名稱: 登別温泉鄉
- 地址: 北海道登別市登別温泉町
- 交通方式: 從JR登別站嘅巴士停留所(N1)乘坐前往登別溫泉方向嘅巴士，喺登別溫泉巴士總站落車。車程約20分鐘。
Comments