北海道知床四季嘅魅力

知床峠係位於北海道國道334號上，一段橫跨知床山脈嘅道路，介於斜里町及羅臼町邊界處，最高點海拔738米。從知床峠可以睇倒羅臼岳，即使7月下旬亦可以睇倒雪，並以其秋天嘅紅葉而聞名。佢亦係一個受歡迎嘅駕駛路線，如果天氣晴朗，有機會可以眺望到遠方嘅國後島。

知床峠嘅美麗風景

知床峠係喺知床半島羅臼町及斜里町之間，海拔標高738米嘅觀景點，位於宇登呂及羅臼連接、連續轉彎嘅國道334號（知床橫斷道路）頂部，總長27公里。夏天嘅時候，知床橫斷道路自駕遊好熱門。甚至7月底仲有殘雪，令人印象深刻。賞鳥或攝影亦好受歡迎，可以睇到攝影愛好者從清晨就開始影相。另外，仲有機會遇見珍稀鳥類及北海道赤狐等野生動物。

如何抵達知床峠頂

知床橫斷道路頂端，可以睇倒美麗壯觀嘅羅臼岳及太平洋。天氣好嘅時候仲可以睇倒國後島，北海道東部嘅四個島嶼之一。如果天氣晴朗視野佳，可以睇到遠處嘅美景，但有時會因濃霧而睇唔清楚。

知床橫斷道路頂端有觀景台、洗手間及停車場。前往羅臼湖嘅登山者亦可以使用停車場，由呢度步行約30分鐘即可抵達羅臼湖入口。入場及泊車都係免費。

知床峠嘅春夏秋冬

春天

每年4月，知床橫斷道路於冰封半年後重新開通前，會舉辦「雪牆健行」，開放一日比限量嘅遊客參觀除雪工程，同時可以沿住３、４米高嘅雪牆間散步。另外，知床嘅春天亦可以滑雪。

夏天

夏天嘅綠地同雲海非常美麗，夜晚可以睇倒滿天星斗。即使係7月，天氣仍然涼爽。

秋天

知床橫斷道路秋天可以欣賞紅葉，係北海道最佳紅葉景點之一。好多人亦會踩單車或以步行方式欣賞美麗嘅秋葉。

冬天

11月初到4月下旬，知床橫斷道路禁止通行。