2018年1-6月新車販賣數量已收集統計過。輕自動車同Eco Car嘅銷量依然係壓倒性地強。我哋就嚟睇吓普通車同輕自動車嘅各5位排名啦。括弧入面嘅數字係前年1-6月相對嘅增長或減少率。
普通車
- NOTE (日產) 7萬3380部 (₋12.9)
- AQUA (TOYOTA) 6萬6144部 (+3.1)
- PRIUS (TOYOTA) 6萬4019部 (₋29.8)
- SERENA (日產) 5萬6095部 (+3.2)
- FIT (HONDA) 4萬7962部 (+3.9)
輕自動車
- N BOX (HONDA) 12萬7548部 (+20.1)
- SPACIA (SUZUKI) 7萬9718部 (+38.0)
- MOVE (DAIHATSU) 7萬4109部 (+2.7)
- TANTO (DAIHATSU) 7萬1809部 (₋10.9)
- DAYZ (日産) 7萬1778部 (₋16.4)
日產喺普通車排行榜相隔48年重奪首位殊榮
喺銷售額中突圍而出嘅係日產自動車。雖然小型家庭用車「NOTE」喺普通車部門中取得第一位, 但上一次喺半年排行榜中, 日產嘅車款拎第一位其實已經係48年前嘅事。日產隔咗咁多年終於拎返第一位, 全公司上上下下都普天同慶呀。
都唔只係咁樣。「SERENA」係一部可以載到7-8人, 就算喺日本都好高人氣嘅多功能休旅車. 雖然普通車排行榜只得第四位, 但Best 5之中得SERENA唔係小型Eco Car咋。而且喺多功能休旅車等級嘅排行當中, 佢打低其他對手, 勞登NO. 1㗎。
呢兩款車之所以咁受歡迎其實都係歸功於日產自創嘅Hybrid(混合動力)系統「e-POWER」, 仲有高度運行支援系統「Pro Pilot」呢兩點。
e-POWER係Hybrid系統嘅一種, 係被稱作為Series Hybrid Mode(串聯式油電混合行駛模式)。為咗只用發電引擎, 轉動車軚嘅動力全部交俾電動摩打運行。即係話, 搭載汽油引擎嘅呢一點同普通車一樣, 但係行駛車嘅機制其實係同電動車一樣。
無論係NOTE定SERENA, 配有e-POWER系統嘅車駕駛感覺都係好特別, 幾乎同電動車一樣。根據引擎轉數嘅高低, 所產生出嚟嘅動力大小都差好遠。咁樣對比起嚟, 電動摩打嘅轉數就唔會令產生出嘅動力差好遠。再者, 電動摩打嘅話, 剎車時踩嗰一刻直到出動力之間嘅時間差距幾乎係無嘅。駕照NOTE同SERENA時想隨意加速嘅感覺, 係其他Hybrid車唔易俾到嘅selling point(賣點)嚟㗎。
令人聯像到好似喺未來世界中揸車嘅全自動駕駛「Pro Pilot」
另外一點selling point就係「Pro Pilot」, 係限制緊e-POWER喺世界上提高關注度嘅自動駕駛科技。喺受條件限制下嘅高速公路同馬路先可以用到, 令油門, 剎車, 軚盤等自動操作去行駛嘅系統。
就當係喺高速公路用同一速度咁行駛。開啟「Pro Pilot」模式之後, 首先如果前方有慢速行駛嘅車, 會配合佢嘅速度而一樣減慢速度行駛。當前方部車改變行車路線而去咗其他線行, 前面無車時又會自動去返最初設定嘅行駛速度繼續行。
如果行駛中, 好似開始感覺部車偏離馬路路線咁行嘅話點算好呀? 請放心。「Pro Pilot」會自動控制軚盤, 修正返正確嘅行駛路線。
現今喺日本有關高齡人士嘅車禍都增加咗, 成為社會問題。斬新技術「Pro Pilot」有助避免高齡人士揸車嘅錯失同低專注力嘅, 比起e-POWER更令用家充滿期待。
可以想像到將來會以電動化技術同駕駛支援系統急速地普及係成為大趨勢㗎喇, 但日產最想都係盡快開發到一啲用家可以實際用得著嘅機能, 容量大嘅車, 或者係想俾人一種用咗先進科技嘅印象。啊! 差啲唔記得講! 輕自動車嘅第五位DAYS雖然係有返咁上下歷史嘅舊型號, 但係連DAYS都好似配有準自動駕駛「Pro Pilot」㗎!!!
Comments