代表日本嘅知名手錶品牌「G-SHOCK」。「CASIO」喺1980年代開始發售，唔單止俘虜咗日本人嘅心，仲深受外國人愛戴。當中，「G-STEEL」結合異材質嘅錶殼係佢一大特色。指針顯示嘅碼錶功能、同智慧型手機連結嘅自動校時功能及手機探索功能等等，可以話係「最先進嘅手錶」都不為過。今次，我哋將從一系列型號當中，為大家介紹所推薦嘅五種錶款。
※以下所述皆為日本型號
具備指針顯示嘅碼錶功能「GST-B100D-1AJF」 55,000日圓（不含稅）
「G-STEEL」系列當中，首次出現咗指示針顯示碼錶嘅錶款。內圈嘅子錶盤 (文字盤所配置嘅小小文字)擔任咗三種功能，其負責嘅功能有鬧鐘開啟關閉、計時碼錶以及顯示剩餘電量。
特別值得一提嘅係，對應Bluetooth®可以同智慧型手機無線連結嘅「智慧型手機連結」功能。同智慧型手機連結咗之後，輕鬆一按，就正確獲取現在時間嘅「自動校正時間」，此外，鬧鐘、計時器、校正指針位置等等都可以透過智慧型手機進行。最特別嘅係「自動校正時間」喺旅遊或者出差去國外嗰陣，更加可以派上用場。亦可以同時顯示兩國嘅時間。
而且，當智慧型手機唔小心遺失嗰陣，仲附設咗「手機探索」功能，喺手錶上操作，透過手機鈴聲就可以搵到手機。呢款手錶功能如此多樣，厚度卻只係得1.41cm。而當然，佢原有嘅耐衝撞構造仍舊保持一往嘅水準。
強悍堅硬係佢嘅特色！「GST-B100XA-1AJF」 80,000日圓（不含稅）
錶框使用咗重量輕，而且其材質特色係「高硬度」，施力都唔輕易變形嘅碳纖維物料製成。而且錶盤嘅玻璃面則採用咗不易刮傷，清晰度高嘅藍寶石玻璃，強悍堅硬係呢款卡嘅特色。
錶帶嘅表側係黑色，背側係藍色。喺錶盤上，為咗強調同錶帶背側同樣使用咗藍色，增添時尚感。而呢款手錶亦具備咗前面所描述智慧型手機連結功能及手機搜索功能。
金屬錶盤和皮革錶帶，兩者共存！「GST-W130L-1A－JF」 41,000日圓（不含稅）
呢款值得注意嘅係佢嘅錶帶。喺樹脂嘅核心材質縫製咗強韌耐磨嘅合成皮革，從裏層確保耐撞性能。而錶盤嘅金屬感同錶帶嘅皮革感兩者兼具卻唔衝突嘅風格，呢款手錶，無論點配都非常百搭。
內建嘅耐撞小型接收器可以接收到日本（福島局／九州局）、中國、北美、英國及德國嘅標準電波，因此具備咗自動校時功能。而且錶盤嘅秒針尖端同刻度會顯示唔同顏色發光嘅「霓虹照明」，喺液晶區域採用咗白色背光，即使係身處暗處，都可以確認而家嘅時間。
實現輕薄小巧！「GST-W300G-1A－9JF」 40,000日圓（不含稅）
具備咗耐用及功能性，卻輕薄小巧。推薦俾嗰D唔希望手錶存在感過於顯眼嘅人。而且錶帶採用咗聚氨酯PU材質，長時間配戴都覺得輕盈舒適，唔會造成手腕任何負擔。
而且，喺錶框、指針等嘅配色都係金黃色，同基本色嘅黑色配搭，睇落去都好有型。
可接收世界6局標準電波，以及為咗喺暗處都可以輕鬆確認時間，搭載咗照映錶盤同液晶部分嘅超級照明等功能，唔單止只係充滿設計感，仲兼具咗實用性。
印象深刻嘅鮮豔藍色錶帶！「GST-W300G-2A1－JF」 40,000日圓（不含稅）
同上段所介紹嘅「GST-W300G-1A9ーJF」相同系列錶款。但鮮豔嘅藍色錶帶俾人嘅印象非常深刻，大膽運用咗色塊配搭。同「GST-W300G-1A9ーJF」功能相同，可接收世界6局嘅標準電波，同「指針移動功能」等功能。「指針移動功能」係為咗睇清楚錶面同其他顯示，透過操作按鈕可移動指針避開液晶顯示區域。
手錶嘅相關文章
Comments