支笏湖冰濤祭係當地知名活動
支笏湖位於北海道南西部，係日本第二深嘅湖泊。距離札幌僅一個鐘車程，支笏湖係火山活動後形成嘅火山口湖，亦係日本最北唯一嘅不凍湖。喺呢篇文章中，我哋將介紹支笏湖周圍嘅地區同著名嘅冰雪節。
造訪支笏湖遊客中心
去支笏湖之前，建議可以造訪支笏湖遊客中心，有助你安排旅程。該中心亦展示咗當地嘅野生動物，加上相關簡介，說明佢哋點樣進食同點樣生活。展示嘅說明文章係以日文同英文穿插呈現，以供外國遊客閱讀。
參觀支笏湖遊客中心讓你了解支笏湖同其歷史。你可以了解支笏湖係如何形成嘅，同埋佢喺生命週期中嘅演變，仲有點解佢被被稱為「火山口湖」。透過支笏湖遊客中心，遊客可以了解該地區嘅文化，更進一步好好欣賞周圍嘅環境。
支笏湖遊客中心每週二休館，若週二為國定假日則為隔天，日本年末年始新年假期亦休息。該中心根據唔同季節有唔同嘅開放時間，冬季（12月～3月）開放時間從上午9:30開始、至下午4:30關閉。夏季（4月～11月）開放時間延長，遊客中心開放時間為上午9:00開始、至下午5:30關閉。
相關資訊
- 名稱：支笏湖遊客中心（Lake Shikotsu Visitor Center）
- 地址：066-0281北海道千歳市支笏湖溫泉番外地
- 交通方式：北海道中央巴士「支笏湖線」終點「支笏湖」站下車後走路約1分鐘
冬季重頭戲冰雪節！享受支笏湖冰濤祭
夏季時嘅支笏湖
支笏湖冰濤祭
支笏湖冰濤祭每年冬季喺支笏洞爺國立公園舉行。大型冰雕有成人兩倍以上尺寸，係將湖水噴灑到所需嘅造型而製成。當天色漸暗，呢啲冷雕被唔同顏色嘅燈光照亮，帶來美麗且夢幻嘅氛圍。
支笏湖冰濤祭唔單止有冰雕藝術作品供遊客欣賞，仲設置有溜冰場，等遊客可以盡情地喺冰面上淄冰。仲有專為小朋友而設嘅騎馬體驗，帶你遊覽公園。
2016年嘅支笏湖冰濤祭
2016年嘅支笏湖冰濤祭可以講係歷年來最好嘅其中一次。有美麗嘅冰雕，同埋喺農曆新年期間舉行，呢個真係一個好美好嘅體驗。最正嘅係每日下午6:30放嘅煙火，後來亦繼續施放而成為一項傳統。
喺冬季歡迎你去參觀支笏湖冰濤祭。呢個活動每年從1月嘅最後一週開始，到2月嘅第一週結束。詳細資料請查看官方網站嘅更新。
住宿支笏湖附近旅館
經過漫長嘅一天步行或划船活動，去支笏湖附近嘅旅館休息放鬆，對任何旅客嚟講都會係好選擇。住喺呢個地區，你可以隨時去到支笏湖溫泉區體驗足湯同享受浸溫泉。
支笏湖鶴雅休閒渡假溫泉SPA飯店 水之謌
支笏湖鶴雅休閒渡假溫泉SPA飯店 水之謌提供世界一流嘅服務。鶴雅集團旗下飯店客房提供現代化嘅日式同西式風格房間。每間客房均設有大尺寸液晶電視同寬敞嘅休息空間供房客放鬆身心。部分房型甚至仲配備露天溫泉浴池。
你可以從下午3:00開始入住支笏湖鶴雅休閒渡假溫泉SPA飯店 水之謌，退房時間則係上午10:00之前。
相關資訊
- 名稱：支笏湖鶴雅休閒渡假溫泉SPA飯店 水之謌（しこつ湖鶴雅リゾートスパ 水の謌）
- 地址：066-0281北海道千歲市支笏湖溫泉
- 交通方式：旅館提供自新千歲機場、JR千歲車站、JR南千歲車站發車嘅免費接駁巴士。每日往返3班車（完全預約制）。
點樣從札幌前往支笏湖呢？
好可惜嘅係暫時並未有公共交通工具可以直接從札幌搭車去支笏湖。如果你想喺札幌進行一日遊，最好嘅選擇係租車自駕，直接開車到支笏湖，車程約55分鐘。如果你坐共公交通工具，亦有路線可轉車搭乘，只係需要較長嘅時間。
從新千歳機場到支笏湖有直達巴士，終點站停靠於支笏湖畔。從機場出發嘅巴士亦有停靠千歲車站，可從千歲車站轉搭函館線直達札幌，坐JR機場快線列車只需30分鐘。
Comments