英文「bucket list」係指當你走到人生盡頭前，有咩事係你想完成嘅呢？而點解用「bucket」水桶呢個字，係因為英文片語「kick the bucket」嘅意思就係「去世」，所以先會延伸到「bucket list」呢個字。
每個人嘅清單都一定唔同㗎啦。而電影「The Bucket List（玩轉身前事）」中嘅男主角們，喺人生最後階段，相約一齊完成一直想做但無去做嘅事，電影故事情節感人，亦帶出咗好多人生哲理。我哋一生之中，到底係點過先算係真正咁活著呢。寫個人生清單，或者係一個唔錯嘅方法。而無論你係唔係個籃球迷，親身去世界級籃球比賽現場，睇返場波，或者可以憑住呢短短40分鐘嘅比賽，將自己全心投入呢場賽事度，話唔定可以俾到一個令你熱血沸騰、心跳加速，充滿熱情嘅難忘回憶自己呢！
一項神奇嘅運動－籃球
籃球係一項好神奇嘅運動，有好多球迷本身都係籃球運動員，一但愛上呢項運動, 唔止會自行練習，連身上嘅行頭都同籃球脫離唔到關係。籃球嘅相關產業，都沾到呢項運動嘅光㗎。喺全球蓬勃發展當中，特別嘅有籃球界嘅傳奇人物「米高佐敦」嘅鞋，次次發行更加係令球迷們不惜排通宵，都想買返對俾自己。對球迷嚟講，著住對米高佐敦鞋，就好似得到米高佐敦嘅力量一樣，球技都會大幅進步！而就算自己唔打籃球，一樣沈迷喺籃球魅力下嘅球迷都不在話下！更加唔使講風靡全亞洲嘅漫畫「男兒當入樽」啦。除咗係七, 八十後嘅集體回憶之外，更加令到好多人特登到日本現場只係為咗影返張同動畫入面一模一樣場景嘅相咋！你話吖，如果去到一個世界級籃球比賽嘅現場，無論係觀賽甚至係參賽，都夠唒班寫入你嘅人生願望清單度啦！
籃球愛好者嘅世界級殿堂
2020年有個重要賽事，嗰個就係喺東京舉辦嘅2020東京奧運會。而籃球比賽一定係籃球迷們爭崩頭都想搶到門票入場睇比賽㗎喇，而你又知唔知喺2021年其實都有場世界級大型國際賽事吖？
呢場國際賽事唔只舉辦地點都係喺日本，而且就算你唔係職業籃球選手，一樣有機會可以親自落場參賽！呢個就係「World Masters Games 2021關西」喇。呢個運動會係開放俾年滿30歲以上嘅成年人，任何人都可以參加比賽。運動會總共有35項競技項目，每四年舉辦一次。2017年啱啱喺紐西蘭落幕，嚟自世界各地嘅參加者人數約有5萬人！話唔定你仲有機會可以遇到前職業籃球選手嚟參賽，可以同佢咃喺同一個球場上比賽添。係咪都可以算係完成到人生中一項夢想清單呢！
人生中最精采嘅一頁
隨著籃球場內熱鬧又有動感嘅音樂，撻著你身上每一個熱血細胞。可以同自己嘅隊友們一齊喺關西嘅神戶市，同嚟自其他國家嘅選手們嚟一場比賽㗎。唔同國家、唔同背景或者唔同嘅語言都唔成問題，可能大家都係著住同一款球鞋，體內流著同樣愛好籃球嘅血，用自己嘅球技嚟互相切搓交流比試！呢個咁難得嘅機會，一定可以成為你人生中最精采嘅一頁! 2021年第10屆「World Masters Games2021關西」或者係你第一次參賽或者觀賽，但係只要參加過一次，我諗4年後都會想再參加第11屆、第12屆… 話唒活到老、「動」到老都係呢個運動會嘅宗旨嚟㗎！
將「World Masters Games2021關西」加入你嘅人生清單，並喺2021年一齊完成呢個項目啦！
更多「World Masters Games2021關西」資訊，請睇呢邊 👉👉👉https://www.wmg2021.jp/en/
Comments