北海道有好多知名嘅溫泉，當中以地獄谷觀光而為人所知嘅「登別溫泉」係日本數一數二嘅溫泉鄉，會湧出9種類溫泉。每年吸引好多觀光客前往，相當受歡迎。登別溫泉嘅溫泉街上，有條主街「極樂通商店街」，餐廳與老字號手信店林立，亦有觀光客著住浴衣行走街上。另外，呢度夏天亦會舉辦「登別地獄祭」等活動，吸引好多觀光客前來。下面要介紹幾間別有風情嘅登別購物景點。
位於溫泉街上嘅老字號手信店「大黑屋民藝店」
商店街上「大黑屋民藝店」地理位置佳，從登別溫泉各酒店步行就可到達。店內陳列好多北海道嘅手信禮品，例如登別名產「葫蘆糖」、使用「熊笹」製成嘅炭、茶葉、蕎麥麵、枕頭、肥皂、糖果、脆餅乾，仲有民藝品等。登別溫泉嘅吉祥物商品亦好齊全。店內仲可以試飲熊笹茶，不妨嚟呢度品嚐一下啊。
地獄谷相當出名嘅登別，可以睇倒鬼嘅塑像與紀念像。店內亦有鬼嘅相關商品，要買嚟做紀念品嗎？極樂通上亦有各式各樣嘅鬼塑像，邊搵邊散步亦係一個唔錯嘅選擇啊。
店舖資訊
- 名稱：大黑屋民藝店
- 地址：北海道登別市登別溫泉町60番地
- 交通：從JR「登別站」乘搭道南巴士約13分鐘，於「登別溫泉站」落車
商品齊全豐富嘅手信店「貴泉堂」
老字號店舖「貴泉堂」寬敞嘅店內，陳列咗飾品、當地酒、北海道銘菓、「優佳良織」、木雕等代表登別嘅紀念品以至北海道手信禮品。北海道限定嘅酒精類飲品亦相當豐富，由啤酒、日本酒到紅酒應有盡有。
登別跟鬼相關商品、只有喺北海道先有嘅熊商品，以及北海道限定嘅吉祥物等，相當推薦用呢啲獨特嘅商品做手信啊。木雕商品亦有熊、貓頭鷹等各式各樣嘅裝飾品。睇見店內櫥窗陳列嘅商品，會忍唔住想入去行吓嫁。
店舖資訊
- 名稱：貴泉堂
- 地址：北海道登別市登別溫泉町46
- 交通：從JR「登別站」乘搭道南巴士約13分鐘，於「登別溫泉站」落車
Comments