喺秋天以mix & match打扮成潮人! 日本而家已經推出緊秋冬新款流行商品。喺迎接新一季來臨之前，不妨將衣服飾品一次過換成秋季服飾啦。喺人氣流行品牌「GU」所展示嘅2018年新款商品當中，揀返幾款推薦嘅小物介紹俾大家先。
推薦商品① 人造毛長夾型斜咩細袋https://www.uniqlo.com/jp/gu/item/306163
呢個係個斜咩袋款式嘅銀包。而今年秋天興將人造毛展現喺前方嘅設計，充滿青春少女感。斜咩帶可以拆落嚟，亦可以調整長度。有黑底白毛、灰色、全黑、米色，一共四款顏色。
人造毛長夾型斜咩細袋 1,990日圓（未稅）
推薦商品② 女裝軍帽
https://www.uniqlo.com/jp/gu/item/306286
俐落嘅軍帽以秋天色系登場。編輯部大力推薦呢個別緻嘅千鳥格紋款。無論係著裙定著褲嘅配搭都好夾，展現到成熟大人嘅一面。另外都推出咗淺灰、黑色、深藍等淨色。
女裝軍帽 1,490日圓（未稅）
推薦商品③ 人造毛涼鞋
https://www.uniqlo.com/jp/gu/item/305684
鞋嘅腳跟部分鋪咗層蓬鬆嘅毛毛。淨係著呢對鞋都即刻增加咗時尚感。秋天著對到腳踝高度嘅襪去襯，而冬天就可以著絲襪。鞋跟大約５cm，仲可以拉長對腳有長腿效果添! 一共有三款顏色: 灰色、黑色、藍色。
人造毛涼鞋 2,490日圓（未稅）
推薦商品④ 珍珠流蘇耳環
https://www.uniqlo.com/jp/gu/item/306045
喺秋天咁易襯衫嘅季節中，配埋條畫龍點睛嘅大大耳環就襯到絕喇。呢款係GU新推出嘅耳環，輕輕搖擺嘅耳環同流蘇，為你增添高雅嘅氣質。而流蘇一共有黑色、粉紅色同米色三種顏色。
珍珠流蘇耳環 590日圓（未稅）
推薦商品⑤ 絨面蝴蝶結橡根
https://www.uniqlo.com/jp/gu/item/305927
就連髮飾都變埋秋季系列啦。GU所展示嘅秋季商品當中，最受矚目嘅就係呢組商品。一組分別有蝴蝶結同珍珠兩條橡根。絨面嘅蝴蝶結俾到人一種溫暖親切嘅印象。一共有三種顏色，黑色、黃色同綠色。
絨面蝴蝶結橡根 590日圓（未稅）
GU新推出嘅款式，大家覺得點呢？推出毛絨絨同絨面等質地嘅小物係配搭秋天呢個季節而設計嘅商品嚟㗎。
FUN! JAPAN今後將會介紹埋其他人氣品牌嘅秋冬小物。有任何意見或感想，都歡迎留言俾給我哋呀！
Comments