日本旅遊可以話係香港人出國旅行嘅首選，根據調查顯示，2017年訪曰旅遊嘅香港人有２２３萬人，只有約東京一半的面積，住緊７３０萬人，係世界有名的高密人口地。比例上3.3個人當中就有一位去過日本，訪日旅客當中呢個比例數字屬NO.1。交通便利、優質服務、可靠品質等，都係日本令人去完想再去嘅原因，隨著廉航嘅飛行航線開通，出國唔再係一筆極大嘅花費，利用周末假期前後去個4天3夜日本旅行，話咁易入手。為咗滿足各位嘅小確幸，為各位獻上「玩盡日本慳錢大作戰之飲飲食食篇」。
每餐唔超過1000円
再點慳，點都要醫飽個肚用美食滿足您個胃，但係日本餐廳價格差異都算幾大，一唔小心行去高價位嘅餐廳，雖然享受到美食，荷包可能都會瘦好幾圈呀陰公豬！記得將呢篇收藏起嚟，如果想搵平價又美味嘅餐廳時，呢邊嘅心水名單好介推記睇ＭＡＲＫ低啦！
丼飯、天婦羅丼：吉野家、松屋、天丼てんや、かつや
吉野家跟松屋大家都應該都好熟悉，丼飯跟定食都有，可以自己揀飯量多家定少，小食量嘅女生或大食怪都可以被滿足，特大碗嘅價格都係700零円左右咋，全日本嘅分店有好多，亦有24小時營業！天丼てんや主要就係以天婦羅丼飯為主，炸得酥脆天婦羅配上醬汁淋係飯上面，Ｗｏｗ！美味又飽肚！かつや主要係以炸物定食為主，炸蝦、炸豬排等，呢Ｄ都係好味又平食飽飽嘅好選擇喔！
烏冬、蕎麥麵：丸亀製麺、つるまる饂飩、名代富士そば
唔想食肉?麵類嘅話係呢邊吖，日本嘅烏冬跟蕎麥麵絕對係日式料理代表之一，丸亀製麺跟つるまる饂飩嘅點餐方式都係櫃台拎拖盤後，自己挾自己鍾意嘅配菜，之後同店員點您要嘅主餐後俾錢，就自己搵個位坐低食！名代富士そば則係用點餐機買餐券嘅方式，交俾店員後自己搵個位坐，餐點準備好了自己再去取餐櫃台領取。而且大概都係500~600円左右咋！
串燒：鳥貴族、利多賣半兵衛
想食日式串燒嘅朋友，一個唔小心搭配酒精類飲品，食落一餐好容易就食咗3、4千円(NONONO.要食平D)，呢兩間平價串燒餐廳可以令你食平D吖，鳥貴族主打每串都係298円﹝未稅價﹞，利多賣半兵衛嘅價格仲誘人，幾乎都係100円以下!而且店內裝潢係昭和風格，風味+風情+CP值都好高吖！
燒肉：立喰い焼肉治郎丸
去日本硬係想食吓日式燒肉，但係燒肉店比人感覺好似唔識日文會好難搞，係咁比手劃腳點餐都好大風險，「立喰い焼肉治郎丸」係燒肉連鎖店，最大特色係企著食燒肉，店面唔大多數係櫃台位置，重點係牆上標示了每盤肉嘅產地跟價格，上頭嘅價格係一片肉嘅錢，唔同產地、唔同部分自然價格都唔一樣啦！想食個日式燒肉過過癮嘅話，可以去呢間餐廳試試啦！
家庭餐廳：Saizeriya、Jonathan's
呢兩間家庭式餐廳料理選擇就比較多，除咗義大利粉 、漢堡排套餐、牛扒都有，價格比一般義式餐廳平好多吖，而且仲有付飲料BAR，係日本家庭成日幫襯嘅餐廳，如果想要坐耐少少的話，呢類家庭餐廳就很推推啦！慳精貼士:[Saizeriyaru嘅LUNCH時段會有500円套餐吖！]
寿司：くら寿司
くら寿司係香港可能唔多人知但係日本就以盤盤都係100円做主打，位列100円壽司人氣名單裡面，熱愛壽司嘅港人們嚟呢邊可以填飽肚子亦唔洗擔心太傷荷包嘅最佳選擇，くら寿司都有TAKE OUT服務，買去酒店食+超市買嘅飲品或酒精飲品，簡直係高級享受低價之選！
日式咖哩：coco壱番屋、ゴーゴーカレー(Go Co Curry)
呢兩間可以話係日式咖哩連鎖店嘅大，幾乎係各大商店街都可以望到佢哋嘅身影，濃郁嘅日式咖哩，配上日本好味道嘅白飯，還可以依個人喜好加上配菜，價格都唔會超過1000円！
介紹咗咁多平價料理，都唔好唔記得係訂酒店嘅時候搜尋一下附近有無超市，夜晚大概8點後便當和熟食料理，都會用好優惠勁抵價格售出，飲品或零食類嘅話，超市價格都會比便利店平喔！仲有快餐店龍頭大哥「麥當勞」，其實日本麥當勞早餐都係唔錯嘅選擇喔！
Comments