去札幌啤酒博物館品嚐啤酒

對啤酒愛好者而言，札幌啤酒博物館係一個好去處！距離札幌站只係短短嘅巴士車程，就可以睇到日本最負盛名啤酒製造商之一嘅歷史。本文將介紹受歡迎嘅札幌啤酒博物館、附近嘅Buffet自助餐，以及其他相關資訊。

札幌啤酒博物館之旅

等我哋由札幌啤酒博物館之旅開始吧！Premium Tour導覽團由11:30到17:30之間，每半個小時出團一次，每次導覽全程大約50分鐘，包含一個日本啤酒嘅精彩展示，以及品嚐北海道啤酒。

Premium Tour導覽團費用成人500円、中學到20歲以下學生300円、小學生以下免費。請注意，20歲以上先可以飲酒。未成年者可選擇無酒精飲料。

Premium Tour導覽團以日語進行，但會提供英語小冊子，幫助唔識日文嘅遊客。對於想按照自己節奏遊覽博物館嘅人，可以喺11:00~20:00自由參觀，最後入館時間為19:30。

喺札幌啤酒博物館乾杯！於Star Hall裡，一共有3種啤酒提供試飲：黑標生啤、北海道限定經典版啤酒、開拓史麥酒。

黑標生啤及北海道限定經典版啤酒只需200円，而開拓史麥酒為300円。仲有3種類型啤酒嘅set，僅600円。亦有200円嘅去酒精啤酒，非酒精飲料100円。Star Hall開放時間為11:00~19:00，最後點餐時間為18:30。

如果想食啲嘢，札幌啤酒博物館都唔會令你失望。博物館附近嘅札幌啤酒花園餐廳有Buffet自助餐。可以享用無限供應嘅帝王蟹、壽司以及北海道特產：成吉思汗燒肉。

Kessel Hall提供自助餐，Poplar House有成人2,900円、7至12歲學生1,450円Buffet任食；含無限暢飲任飲方案，成人3,900円、7至12歲學生1,950円。

包含無限量螃蟹任食位於Trommel Hall內。成人費用5,680円、7至12歲學生2,840円；含無限暢飲任飲方案，成人6,980円、7至12歲學生3,490円。

札幌啤酒博物館開放時間為11:00~20:00。最後一場導覽時間為17:30，最後入館時間為19:30。Star Hall營業時間為11:00~19:00，最後點餐時間為18:30。

休館日包括日本新年假期及臨時休息日。Premium Tours導覽團及Star Hall逢周一休息，但歡迎遊客自行探索博物館。

如果想參加博物館嘅Premium Tours導覽團，需要上網或致電011-748-1876進行預約。請注意，預約服務僅限日語。

線上預約需於參加導覽前3至90天內完成。如果電話預約，可於參加導覽前1天至90天內完成。可以上網查看導覽團嘅預約狀況。如果喺你前往博物館當日，導覽團仲有剩餘名額嘅話，即使無事先預約，都有機會參加導覽！