坐擁小樽運河等眾多觀光景點嘅「小樽」由於地理位置離港口相當近，所以使用新鮮海產烹調嘅美食亦相當出名。喺帶有異國風情與歷史氣息嘅街道上，其實隱藏住好多家海鮮料理餐廳。以下就係幾間大家可以好好體驗小樽風情嘅餐廳。
將心水小樽美食一網打盡—「小樽運河食堂」
石造歷史建築物「小樽運河食堂」係小樽運河沿岸一間代表性餐飲設施。設施內設有大型任食自助餐同海鮮佳餚豐富嘅店家、拉麵、壽司等餐廳,無論任何一間舖頭都用上北海道農作物同海產烹調美食。如果小樽眾多美食當前而令到選擇困難症發作嘅話，小編就推介大家去「小樽運河食堂」。一於根據當日心情，想食乜就食乜！
店家資訊
- 店家名稱: 小樽運河食堂
- 店家地址: 北海道小樽市港町6-5
- 交通方式: 從JR函館本線「小樽駅」步行10分鐘
小樽名物海鮮壽司餐廳
壽司處 Kita濱
「壽司處 Kita濱」係一間可以品嚐到當季食材嘅壽司店，位置正正就喺小樽運河旁邊。店舖以當季新鮮食材為主，菜式包括相當講究嘅手握壽司同當地海產等。店內設有吧檯同桌席，各位可依照個人喜好挑選適合自己嘅料理與座席。
店家資訊
- 店家名稱: 壽司處 Kita濱
- 店家地址: 北海道小樽市色內1-4-20
- 交通方式: 從JR函館本線「小樽駅」步行約10分鐘
鮨處 魚一心
「鮨處 魚一心」係一家大受當地人好評嘅壽司餐廳。店內將迴轉壽司同海鮮居酒屋形式融合，以合理價錢向食客提供新鮮壽司、炭燒食品同單品料理。店家出品嘅海鮮料理講求鮮度之餘亦內容豐富齊全。特別推薦當日特餐「時令料理」以及午餐。
店家資訊
- 店家名稱: 鮨處 魚一心
- 店家地址: 北海道小樽市築港11-5 WING BAY小樽5番街1F
- 交通方式: 從JR函館本線「小樽築港站」步行約8分鐘
由刺身料理到燒烤單品 大飽小樽海鮮口福嘅海鮮餐廳
小樽料理 海月
無論係壽司、散壽司、丼飯等使用小樽食材嘅料理，又或小樽名產「烤八角魚」等燒烤菜式都一應俱全，而且一個合理價錢就可以食得相當豐富，非常推薦畀外國遊客！店家另有供應套餐料理。
店家資訊
- 店家名稱: 小樽料理 海月
- 店家地址: 北海道小樽市花園1-8-1
- 交通方式: 從JR函館本線「小樽站」步行約10分鐘
和風廚房 Mi神
「和風廚房 Mi神」係當地相當受家庭同女性客群歡迎嘅居酒屋。以當季海鮮為主嘅菜式選項豐富，除咗魚生、沙律等之外，亦有份量十足嘅炒飯等使用嚴選食材烹調而成嘅創作料理。您都不妨嚟試一下由小樽獨有食材製成嘅料理啦！
店家資訊
- 店家名稱:和風廚房 Mi神
- 店家地址:北海道小樽市花園1-10-5 NOMOS 大樓1F
- 交通方式:從JR函館本線「小樽站」步行約10分鐘
Comments